"İran Milli Mis Şirkəti Azərbaycan xalqına verdiyi sözü yerinə yetirmir"-Cümə imamı

SON XƏBƏRLƏR

"İran Milli Mis Şirkəti Azərbaycan xalqına verdiyi sözü yerinə yetirmir"-Cümə imamı

2022.03.28, 11:23

Gunaz.tv

Vərziğan şəhərinin cümə imamı Süngün mis mədəninin yaxınlığında yerləşən şəhər və kəndlərin acınacaqlı durumda olduğunu təkrar edib, Milli Mis Şirkətinin bölgənin infrastrukturunun yaxşılaşdırılması üçün tədbirlər görməsini istəyib.

Bu, Purməhəmmədinin oxşar problemlə bağlı növbəti çıxışçıdır və o bundan öncədə bir neçə dəfə bölgənin gəlirlərindən özünə büdcə ayrılmadığını qınayıb.

Cümə imamı xüsusilə “Süngün” mis mədəninin fəaliyyətinin əhaliyə heç bir xyirinin olmadığını, ondan əldə edilən gəlirdən işsizliyin, tibbi mərkəzlərin, yolların, içmıli suyun, kanalizasiya sisteminin və başqa bu kimi vacib ehtiyacların həlli üçün vəsait ayrılmadığını qeyd edib.

“Müxtəlif çətinliklərdən əziyyət çəkən Vərziğan əhalisinin əyalət valisinə dəfələrlə müraciət etməsinə baxmayaraq o bölgəyə səfər etməyib”-deyə, Purməhhəmməd Şərqi Azərbaycan əyalətinin valisi Zeynəlabdin Rəzəvi Xurrəmi tənqid edib.

O, “İran Milli Mis Şirkəti”nin 3 il öncə “Süngün” mis mədənindən əldə edilən gəlirlərdən bir hissəsinin bölgədə işsizlik probleminin həllinə görə sərmayə qoyacağı barədə vədini xatırladıb.

Cümə imamı Vərziğanın Süngün Mis mədənində işçilərinin hüquqlarının pozulması ilə bağlı keçirilən etiraz aksiyalarından düşmənlərin su-istifadə etdiklərini və hadisələrin mahiyyətini təhrif elədiklərini iddia edib.

Xaməneyinin yerli nümayəndəsinin “işçilərin etirazlarının təhrif edilməsi” ilə bağlı fikirləri xarici mediada problemin işıqlandırılmasından Tehran hökumətinin narahatlığını əks etdirir.

Xüsusilə son iki il ərzində mis mədəninin işçiləri hüquqlarının pozulması, əmək haqlarının ödənilməməsi, qısa müddətli etibarsız müqavilələrlə işə götürülmələri, əsassız olaraq işdən çıxarılmaları ilə bağlı onlarla etiraz və tətil aksiyası keçiriblər.

Cavidan

GUNAZ.TV

SON XƏBƏRLƏR