Yeni Zelandiya İranla insan haqları üzrə danışıqları dayandırıb

SON XƏBƏRLƏR

Yeni Zelandiya İranla insan haqları üzrə danışıqları dayandırıb

2022.10.31, 09:40

Gunaz.tv

Yeni Zelandiyanın xarici işlər naziri Nanaya Mahuta bəyanat yayaraq bildirib ki, bu ölkə hökumətinin İranla danışıqları dayandırmaq qərarı Tehranın əsas prinsipləri pozmasına, insan haqlarını görməzdən gəlməsinə və İranda etirazları zorakılıqla susdurmasına açıq cavabdır.

O, qeyd olunan məsələlər həll olunmayana qədər İran hökuməti ilə danışıqların bərpa edilməyəcəyini bildirib.

"Qadınlara, qızlara və ya İran cəmiyyətinin hər hansı digər üzvlərinə qarşı zorakılıq və onların ümumbəşəri insan haqlarından istifadə etməsinə mane olmaq yolverilməzdir və buna son qoyulmalıdır",- deyə, xarici işlər naziri xanım Mahuta qeyd edib.

Yeni Zelandiya və İran 2018-ci ildə insan haqları ilə bağlı problemlərin həllinə yönəlmiş danışıqlar aparmaq barədə razılığa gəliblər.

Bu danışıqların birinci raundu 2021-ci ildə, növbəti raundunun isə 2022-ci ilin sonunda keçirilməli idi.

Yeni Zelandiya səlahiyyətliləri keçən həftə İranda aylardır həbsdə olan iki Yeni Zelandiya vətəndaşının azad edildiyini təsdiqləyib və Yeni Zelandiya hökuməti keçən həftə İranda olan vətəndaşlarından bu ölkəni tərk etmələrini istəyib.

Cavidan

GUNAZ.TV

SON XƏBƏRLƏR