“Gender Bərabərliyi” İctimai Birliyi daha bir layihəni uğurla yekunlaşdırılıb

SON XƏBƏRLƏR

“Gender Bərabərliyi” İctimai Birliyi daha bir layihəni uğurla yekunlaşdırılıb

2022.11.29, 10:31

Gunaz.tv

Layihə 2022-ci ilin sentyabr - noyabr aylarını əhatə etməklə əsasən Bakı şəhərində icra olunub.

Layihə çərçivəsində Qarabağ müharibəsi əlillərinə, onların ailə üzvlərinə, şəhid ailələrinə və digər aztəminatlı şəxslərə pulsuz hüquqi yardım xidməti göstərilib.

Belə ki, layihə müddəti ərzində 66-dan çox şəxsə hüquqi yardım göstərilib, onlardan 55-dən çox şəxsə iddia ərizəsi, apellyasiya şikayəti və müvafiq dövlət orqanlarına müraciətlər hazırlanıb, 11-dən çox şəxsə isə WhatsApp, Facebook və İnstagram sosial şəbəkələr vasitəsilə hüquqi yardımlar göstərilib.

Bundan əlavə, layihə çərçivəsində məhkəmə müdafiəsinə ehtiyacı olan 7 nəfər şəxsə vəkil xidməti həyata keçirilib. Hazırda məhkəmə müdafiəsinə ehtiyacı olan bəzi şəxslərin məhkəmə işləri davam etdirilir.

Layihə müddəti ərzində müraciət edən şəxslərin əksəriyyətinin Qarabağ müharibəsi əlilləri və əsasən aztəminatlı şəxslər olduğu üçün müraciətlərin mövzusu işlə təmin olunma, mənzil ilə təmin olunma, müharibə veteranı adının verilməsi, aliment məbləğinin artırılması, alimentin ödənilməsinin üsulunun dəyişdirilməsi və digər məsələlər olub.

Layihə müddətində ödənişsiz hüquqi yardıma ehtiyacı olan şəxslərin çox olmasını nəzərə alaraq, yaradılmış WhatsApp (+99470854-30-19) və facebook sosial şəbəkələr üzərindən yaradılmış pulsuz hüquqi yardım səhifələri layihə bitdikdən sonra da öz işini davam etdirəcək.

Ayxan

GUNAZ.TV

SON XƏBƏRLƏR