Oğluna Huntay adı qoymuş culfalı ana 5 ildir sənəd ala bilmir

SON XƏBƏRLƏR

Oğluna Huntay adı qoymuş culfalı ana 5 ildir sənəd ala bilmir

2023.06.09, 14:03

İranda türk mənşəli Huntay adına kimlk sənədi verilmir. Bu barədə 5 yaşlı Huntayın anası Sevda Fərəczadə özünün sosial media hesabında paylaşım edib.

Gunaz.tv

O, bildirib ki, İranın Qeydiyyat İdarəsi 5 ildir ki, Güney Azərbaycanın Culfa şəhərindən olan Huntaya doğum şəhadətnaməsi verməkdən imtina edir.

Fərəczadə övladına seçdiyi adda sənəd almaq üçün mübarizəsini davam etdirəcəyini yazıb.

Tehranın Beheşti Universitetindən siyasi elmlər üzrə magistr dərəcəsi ilə məzun olmuş Huntayın anası 5 il ərzində çox əziyyət çəkdiklərini deyib.

Bildirib ki, övladına türk adı seçdikləri üçün uşaq ibtidai hüquq və xidmətlərdən məhrum edilib.

Huntayın atası Taymaz Mehrəli Bəyli də Ankara Universitetinin qida mühəndisliyini magistr dərəcəsi ilə bitirib və övladlarına türk adı vermək üçün hüquqi mübarizələrinin bir hissəsini şərh edir.

O, deyir ki, bu mübarizə bir nəticə verməsə belə, geri çəkilməyəcək və Huntaya doğum şəhadətnaməsi almaq üçün özünün və övladının qanuni hüquqlarını həyata keçirmək fikrindədir.

Bundan öncə Güney Azərbaycanın müxtəlif şəhərlərində oxşar problemlər yaranıb və məsələ ictimailəşdirilib.

“Ayıl”, “Sevgi”, “Yağış”, “Anar”, “Atakan”, “Oğuz”, “Türkay”, “Elcan”, “Tarkan” və başqa bu kimi türk adlarının qoyulduğu uşaqlara sənəd verilmədiyi üçün valideynləri məhkəmələrə müraciə edib, sosial mediada etirazlarını bildiriblər.

Timur

GUNAZ.TV

SON XƏBƏRLƏR