İranın irqçı rejimi bölgələrin etnik tərkibini dəyişdirmə siyasətini davam etdirir

SON XƏBƏRLƏR

İranın irqçı rejimi bölgələrin etnik tərkibini dəyişdirmə siyasətini davam etdirir

2023.12.09, 14:03

İranın dini-şovinist rejimi etnik xalqların yaşadıqları bölgələrinin tərkibini dəyişdirmə siyasətini davam etdirir.

Gunaz.tv

İrqçı rejim Tükrmən Səhra bölgəsinin etnik tərkibini dəyişdirmək istiqamətində türkmənlərin yaşadıqları şəhərlərin çevrələrində mikrorayonlar salır. Onlara İranın cənub-şərqində yerləşən Zabul bölgəsində yaşayan və fars etnikinə mənsub zabullular köçürülür.

Türkmən Səhranın siyasi aktivistləri həmin siyasət səbəbindən Ağ Qala şəhərinin çevrəsində mikrorayonların tikilməsinə qarşı Telqram Sosial Şəbəkəsində “mikrorayonlara yox” kampaniyasına başlayıblar.

Kampaniyaya minlərlə türkmən qoşularaq bir araya gəliblər. Lakin SEPAH-ın Təhlükəszilik Təşkilatı kanalı izləyərək bu etiraz hərəkatının kütləviləşməsinin qarşısını almaq üçün kanalı bağlayıb.

Ağ Qala şəhərinin keçmiş icra başçısı İlyas Hivəçi mikrorayonların salınmasından əsas məqsədi ifşa edib.

“Bu proyektlərin mülki, sosial, siyasi və basqı nəticələri olacaq. Mənim vəzifədə olduğum vaxt Ağ Qalanın şimaında 800 hektar torpaq sahəsinə yerli olmayan və nüfuza sahib şəxslər tərəfindən yiyələnmək üçün göz tikilmişdir. Müəyyən fəndlər yolu ilə onların qarşısını alıb fırlatdım.”-deyə Hivəçi açıqlayıb.

Türkmən Səhra bölgəsi. Hazırda Gülüstan Əyaləti adı ilə qeyd olunur.

İranın irqçı rejiminin qeyri-fars xalqlara asimilyasiya siyasəti olaraq bölgənin adı bir neçə il öncə Gülüstan Əyalətinə dəyişdirilib.

Yerli aktivistlər Türkmən Səhra adı ilə əyalətin təşkil olunması tələbini irəli sürəndən sonra Tehran hakimiyyəti bölgənin etnik tərkibini dəyişdirmək istiqamətində qeyri etniklərin bölgəyə yerləşdirilməsinə başlayıb.

Məlumatlandırma:

Bölgə şimaldan Türkmənsitan Respublikasına, şərqdən Xorasan, cənubdan Simnan, şərqdən isə Xəzər Dənizinə məhdudlarşır.

Etnik tərkibin dəyişdirilməsi siyasəti həmçinin xeyli vaxtdır Güney Azərbaycanın Qərbi Azərbaycan Əyalətində yürüdülür.

Belə ki, illər öncə kürdlərin əsasən Urmuya və Soyuq Bulağa (Qərbi Azərbaycanın inzibati ərazilərində yerləşən indiki Mahabad rayonu) yerləşdirilməsi ilə Azərbaycan türklərinin etnik tərkibi müəyən qədər onların xeyrinə dəyişdirilib.

Hal hazırda kürdlər əsasən Urmuya və Soyuq Bulaq bölgəsinə topaq iddiaları irəli sürürlər.

Atalar demişkən “özümə yer elərəm, gör sənə neylərəm.”.

Taymaz