Contact Us

SON XƏBƏRLƏR

10 gün ərzində 9 şəhərdə 13 güneyli aktivist saxlanılıb

2024.02.15, 15:00
10 gün ərzində 9 şəhərdə 13 güneyli aktivist saxlanılıb

İranda (Güney) Azərbaycanlı Siyasi Məhbuslarının Müdafiəsi Assosiasiyası (ADAP) Güney Azərbaycan aktivistlərinə qarşı fevaralın 5-dən etibarən yeni həbs dalğasının başlandığını bildirib.

Gunaz.tv

ADAP bu barədə hesabtında məlumat verib ki, çoxu Güney Azərbaycanın şəhərləri olmaqla 9 şəhərdə saxlanılanlara ilkin və şifahi olarq “hakim sistemin əleyhinə təbliğat, daxili təhlükəsizliyə qarşı əlbir olub toplaşam” ittihamları elan olunub.

ADAP saxlanılanların kimlikləri barədə məlumat verib.

Cəfər Məhəmmədi Marağa şəhərində, Bağır Hacızadə, Səid Camalzadə, Araz Aman, Ayaz Sefxah Təbriz şəhərində, məhkəmə vəkili Tahir Nəqəvi Kərəcdə, Əbdüləziz Əzimi Qədim Vəramin, Səid Minai Binab, Mürtəza Pərvin və Səid Dustan Ərdəbil, Salar Tahir Əfşar Urmu, Kamal Nuri İslamşəhr və Abdulla Vahidi Astara şəhərlərində saxlanılıblar.

Assosiasiyanın Ümumi Əlaqələr Şöbəsinin müdiri İbrahim Mühacir Amerikanın Səsi xəbər agentliyi ilə müsahibəsində ayrıntılar barədə danışıb.

“Cəfər Məhəmmədi, Səid Minai ümumi təhlükəszilik polisi tərəfindən, Səid Dustan Ərdəbil Prokurorluğuna çağırılandan sonra, sair məhbuslar isə Təhlükəsizlik İdarəsinin məmurları tərəfindən saxlanılıblar”-deyə İbrahim Mühacir açıqlayıb. 

O, həmçinin bildirib ki, Vədud Əsədi Rəşt şəhərində saxlanılıb və Abdulla Vahidi, Kamal Nuri və Tahir Nəqəvinin dəqiq hansı məkanda həbsdə olduqları barədə məlumat yoxdur. 
 
Məhbusların ailələrinin ifadələrinə istinadən onlar döyülüb söyülməklə saxlanılıb, mobil telefon, notbuk və kitabları məmurlar tərəfindən götürülüb. 

Həmçinin xeyli müddət həbsdə olmalarına rəğmən onlara ailələri ilə maksimum 1 dəqiqə əlaqə saxlamağa icazə verilib. 

Habelə qeyd olunub ki, onlar barədə hakimiyyətin öz qanunları belə pozulub. O cümlədən “məhkəmə prosesi zamanı vəkillə və sair vasitələrlə təmin olunmama, cəlb vərəqi olmadan və saxlanılma vaxtında aqressiv davranışlar” qeyd olunub.

“Hakimiyyət küçələrdə yeni toplaşma və etiraz aksiyalarının olacağı gümanı ilə etniklər və dini azlıqlara basqısını artırıb”- deyə Mühacir bildirib. 

Taymaz

Açar Sözlər :

SEÇİLMİŞ XƏBƏRLƏR

Çox oxunanlar