Contact Us

SON XƏBƏRLƏR

Respublikaçı Senatorlar Baydenin İranla bağlı qərarına görə sorğuya çəkir

2024.04.05, 13:46
Respublikaçı Senatorlar Baydenin İranla bağlı qərarına görə sorğuya çəkir

“Washington Free Beacon” agentliyinin verdiyi məlumata əsasən Respublikaçı senatorlar prezident Baydenin İranla bağlı verdiyi son qərara görə araşdırma başladıblar.

Gunaz.tv

Prezident Bayden İrana tətbiq olunan sanksiyaları donduraraq, İrana əlavə 10 milyard dollarlıq vəsaitə çıxış imkanı yaradır.

Ağ Evin bu qərarı İraqın elektrik ödənişlərini Avropa və Omandakı İrana məxsus bank hesablarına köçürməyə imkan verir.

Respublikaçı senator Tim Skotun başçılıq etdiyi 13 deputatdan ibarət qrup Dövlət və Xəzinədarlıq Departamentinə İranın yaxın bir neçə ay ərzində nə qədər pul əldə etməsinə icazə veriləcəyi ilə bağlı məlumatı tələb edib.

Araşdırmanı senator Ted Kruz, Tom Kotton, Marko Rubio da daxil olmaqla bir sıra respublikaçılar da dəstəkləyir.

Senatorlar müraciət məktubunda yazıblar: “Birincisi, Baydenin bu qərarı İranın regionda dəstəklədiyi təcavüzün pik həddə olduğu bir vaxtda məhdudlaşdırılmış İran vəsaitlərini Ayətullah rejimi üçün daha əlçatan edir. İkincisi, bu qərardan anlaşılır ki, Bayden administrasiyası, Konqresin İrana edilən hər hansı ödənişlərin ciddi şəkildə məhdudlaşdırılması ilə bağlı niyyətinə məhəl qoymur. Biz regionda sülh əldə etmək istəyiriksə, bu məbləğləri İrana əlçatımlı etmək əvəzinə daha da uzaqlaşdırmalıyıq. Lütfən izah edin ki, administrasiya nə üçün İrana sabit valyutaya, xüsusən də İraq dinarı kimi yerli valyutalardan daha qiymətli olan avroya çıxış imkanını artırıb”.

Bayden administrasiyası həmçinin izah etməlidir ki, İsrailə qarşı terrorizmi qızışdırdığı üçün İrana maliyyə vəsaitlərinə təzə çıxış imkanının verilməsi “Birləşmiş Ştatların milli təhlükəsizlik maraqları”na nə dərəcədə uyğundur.

Qeyd edək ki, Oktyabrın 7-də HƏMAS-ın İsrailə hücumundan sonra İranın proksi qrupları regionda hücumlarını artırıb. İordaniyada Amerika hərbçilərinə və Qırmızı dənizdəki gəmilərə hücumlar buna sübutdur.

CENTCOM komandiri general Erik Kurilla bu yaxınlarda Senatın Silahlı Qüvvələr Komitəsinə deyib ki, İran Həmas, Hizbullah və Husilərə verdiyi dəstəkdən çəkinmir və regiondakı çirkin fəaliyyətlərinin əvəzini ödəmir.

 

 

 

GünazTV

 

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar