Contact Us

SON XƏBƏRLƏR

İshak Hersoq: Bu müharibə elanıdır

2024.04.14, 21:45
İshak Hersoq: Bu müharibə elanıdır

İsrail Prezidenti İshak Hersoq deyib ki, İranın İsrailə hücumu müharibə elanıdır.

Gunaz.tv

Bu barədə Prezident Böyük Britaniyanın “Sky News” telekanalına müsahibəsində bildirib.

“Gecə Yaxın Şərqdə dörd istiqamətdən hücuma məruz qaldıq, İranın marionet qüvvələri atəş açırdı, raketlər, ballistik raketlər, PUA və qanadlı raketlərlə atəşə tutulduq. Bu, əsil müharibəyə bənzəyir. Yəni bu, müharibə elanıdır”, – Hersoq deyib.

Bununla yanaşı, Prezident İsrailin ərazisinin atəşinə tutulmasına cavabının necə ola biləcəyi sualına cavab verməkdən yayınıb:

“Biz həmişə müttəfiqlərimizi və tərəfdaşlarımızı dinləyirik və onların nöqteyi-nəzərinə hörmət edirik. Biz əlimizdə olan bütün variantları nəzərdən keçiririk və artıq dediyim kimi, vətəndaşlarımızı qorumaq üçün lazım olan hər şeyi edəcəyik. Mən, əlbəttə ki, indi aparılan işlərin operativ təfərrüatlarına toxunmayacağam”.

“Biz müharibəyə can atmırıq”, – prezident vurğulayıb.

O, beynəlxalq ictimaiyyəti İranın regionda və dünyada yürütdüyü “sabitliyi pozan siyasətinə” qarşı birləşməyə çağırıb:

“Dünyanın Tehrandakı şər imperiyanın üzünə baxmaq və İran rejiminə buna dözülməyəcəyini açıq şəkildə söyləmək vaxtı çatıb”.

Qeyd edək ki, aprelin 13-də İran İnqilabı Keşikçiləri Korpusu (SEPAH) qanadlı və ballistik raketləri ilə "Doğru vəd əməliyyatı" kod adı altında İsrailə hücum edib. 

Hücumların aprelin 1-də İsrailin İranın Dəməşqdəki səfirliyinin yanında SEPAH komandirlərinin istifadə etdiyi binanı bombalamasına cavab olaraq həyata keçirildiyi bildirilib. Bu, iki ölkə arasında ilk birbaşa hərbi qarşıdurmadır.

Aprelin 14-də səhər saatlarında İran İsrailə qarşı əməliyyatın başa çatdığını elan edib. ABŞ, Rusiya və müxtəlif KİV ümumi əməliyyatı uğursuz qiymətləndirib. 

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar