İran Xəzər sahilindəki çimərliklərə nəzarəti gücləndirir

SON XƏBƏRLƏR

İran Xəzər sahilindəki çimərliklərə nəzarəti gücləndirir

2024.06.06, 15:35

İran hökuməti məcburi hicab qaydalarının tətbiqinin daha da sərtləşdirilməsi ilə bağlı yeni plan hazırlayıb.

Gunaz.tv

Bu barədə İran Polis Komandanlığının rəis müavini Qasım Rzayi məlumat yayıb.

Məlumatda bildirilib ki, Xəzər sahillərində məcburi hicab qaydalarının pozulmasının qarşısını almaq məqsədilə sahil zolağı və çimərlik, əyləncə mərkəzlərinə daha 7 min polis cəlb ediləcək.

O, vətəndaşlara xəbərdarlıq edərək, qaydaları pozanlara qarşı ciddi cəza tədbirlərinin görüləcəyini bildirib.

Qeyd edək ki, aprelin 13-dən İranın əksər şəhərində məcburi hicab qaydaları ilə bağlı tədbirlər gücləndirilib.

Bu, vətəndaşlarla hökumət məmurları arasında qarşıdurmalara və onlarla şəxsin həbs edilməsinə səbəb olub.

Qaydaların daha da sərtləşdirilməsi isə bir müddət öncə Əli Xaməneinin məcburi hicab qaydalarının tətbiqi ilə bağlı çağırışından sonraya təsadüf edir.

"Biz heç vaxt hicab məsələsində güzəşt etməmişik, hicab bizim əsas prinsiplərimizdən biridir",- deyə Xamənei bildirmişdi.

GünazTV

GUNAZ.TV

SON XƏBƏRLƏR