Contact Us

SON XƏBƏRLƏR

Muğanda tarixi abidə məhv edilir

2024.06.08, 11:11
Muğanda tarixi abidə məhv edilir

Güney Azərbaycanın Muğan bölgəsində olan neçə min illik tarixi Oltan qalası məhv olmaq üzrədir.

Gunaz.tv

Bu barədə yerli ədəni faəllar məlumat yayıb.

Mədəni fəalların sözlərinə görə, Ərdəbil əyalətinin Mədəni İrs Təşkilatının məsuliyyətsizliyi nəticəsində tarixi abidəyə ciddi ziyan dəyib.

Bundan əvvəl tarixi qalanın yerləşdiyi ərazidə qanunsuz tikinti işləri aparılıb, yol çəkmək bəhanəsi ilə tarixi məkanın bir hissəsi dağıdılıb.

Hazırda isə oxşar fəaliyyətlərin davam etdirilməsi ilə yanaşı, qalanın müxtəlif yerlərində naməlum şəxslərin qazıntı işləri apardığı aşkar edilib.

Yerli sakinlər qazıntıların tarixi əsər qaçaqmalçıları tərəfində aparıldığını, əlaqədar dövlət qurumlarının tədbir görmədiklərini bildiriblər.

Qeyd edək ki, Oltan qalası Muğan düzündə, Araz çayının güney sahilində, Ərdəbil əyalətinin Ultan kəndindən günbatarda, dəniz səviyyəsindən 67–73 m yüksəklikdə yerləşir. 

Yerli əhalinin Ultan qalası adlandırdığı bu şəhər xarabalıqlarının qala divarları ilə müdafiə olunan sahəsi düzbucaq biçimdə olub 33 hektar sahəni əhatə edir.

Bir sıra tədqiqatçılar Ultan qalasının Parfiyalılar, bəziləri isə Sasanilər dövründə inşa edildiyini ehtimal edirlər.

Qala Nadir şahın hakimiyyəti dövrünə kimi qorunub saxlanmış, ancaq sonralar ruslarla aparılan müharibələr nəticəsində dağılaraq xarabalığa çevrilmişdir.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar