Contact Us

SON XƏBƏRLƏR

Beynəlxalq Əfv Təşkilatı İsveçin iranlı prokuror köməkçisini sərbəst buraxmasını pislədi- Bu Tehranı cəsarətləndirir

2024.06.19, 14:14
Beynəlxalq Əfv Təşkilatı İsveçin iranlı prokuror köməkçisini sərbəst buraxmasını pislədi- Bu Tehranı cəsarətləndirir

Beynəlxalq Əfv Təşkilatı İranla-İsveç arasındakı məhbus mübadiləsi nəticəsində İsveçdə həbsdə olan keçmiş iranlı prokuror köməkçisi Həmid Nurinin azad edilməsini pisləyib.

Gunaz.tv

Bu barədə beynəlxalq təşkilatın yaydığı bəyanatda bildirilib.

Bəyanatda 1988-ciildə minlərlə siyasi məhbusun edamında əli olan Həmid Nurinin sərbəst buraxılması repressiya qurbanlarının ailələrinə böyük zərbə kimi dəyərləndirilib.

Beynəlxalq Əfv Təşkilatı İsveç dövlətinin bu hərəkətinin Tehran rejiminin dahada cəsarətlənməsinə səbəb olacağını və girov götürmə yolu ilə siyasi tələblərini diktə etməyə təşviq olunacağı barədə xəbərdarlıq edib.

Bəyanat müəllifləri diqqətə çatdırıblar ki, bu formada həyata keçirilən məhbus mübadiləsi cinayətkarların cəzasız qalacağı barədə narahatlıqların artmasına səbəb olub.

Qeyd edək ki, 1988-ci ildə siyasi məhbusların edamları zamanı "Həmid Abbasi" ləqəbi ilə tanınan Həmid Nuri İran və İsveç arasında əsir mübadiləsi zamanı Yohan Flodros və Səid Əzizinin azadlığa buraxılması müqabilində iyunun 15-də sərbəst buraxılaraq İrana qayıdıb.

Onun azadlığa buraxılması iranlı hüquq müdafiəçilərinin geniş reaksiyası ilə qarşılanıb, siyasi fəallar və hüquq müdafiəçiləri Həmid Nurinin mübadiləsinə görə İsveç hökumətini sərt tənqid edib və bunu biabırçı adlandırıblar.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar