Contact Us

SON XƏBƏRLƏR

Prezident seçkilərində Xaməneinin nümayəndəsinin xeyrinə saxtakarlığa başlanılıb

2024.06.27, 15:05
Prezident seçkilərində Xaməneinin nümayəndəsinin xeyrinə saxtakarlığa başlanılıb

İran İslam İnqilabı Keşikçiləri Korpusunun (SEPAH) təhlükəsizlik və kəşfiyyat bölməsi 11 milyon milli kod (şəxsiyyət vəsiqəsinin kodu) toplayaraq, bu səsləri Əli Xameneinin istədiyi namizədin lehinə istifadə edəcək.

Gunaz.tv

Bu barədə qeyri-rəsmi media və xaricdə fəaliyyət göstərən müstəqil mənbələr ölkə daqxilindəki qaynaqlara istinadən məlumat yayıblar.

Onların dediyinə görə, milli kodların xaricdə yaşayan vətəndaşlar, məhbuslar, əlillər, qocalar və sair kimi qruplara aiddir.

Bildirilib ki, İran hökuməti seçicinin doğum haqqında şəhadətnaməsinə möhür vurmaq tələbini ləğv edib. Bu isə dövlət orqanlarının geniş yayılmış seçki saxtakarlığı əməllərini daha da artırmağa əlavə imkanlar yaradır.

Bundan əvvəl isə insan haqları təşkilatları İran həbsxanalarında məhkumluq dövrü yaşayanların doğum haqqında şəhadətnamələrinin tələb edildiyi barədə məlumatlar yayıblar.

"Məhbuslardan istənilib ki, iyunun 28-də səs vermək üçün ailələrindən şəxsiyyət vəsiqələrini həbsxanaya gətirmələrini istəsinlər, səsvermədə iştirak etməyənlər barədə ölçü götürüləcək, səsverənlərə isə 3 gün məzuniyyət veriləcək",- məlumatda bildirilib.

İnsanhaqları fəalları məhbusların yaxınlarına istinadən bildiriblər ki, buna etiraz edən bir neçə məhkum təkadamlıq kameraya köçürülüb.

Qeyd edək ki, hakimiyyətdə olan mühafizəkar siyasi cərəyan Əli Xameneinin Ali Milli Təhlükəsizlik Şurasındakı nümayəndəsi Səid Cəlilinin prezidentliyini dəstəkləyir.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar