Contact Us

SON XƏBƏRLƏR

Etnik bəluclar Ərdəbilə köçürülür

2024.08.10, 14:14
Etnik bəluclar Ərdəbilə köçürülür

Bundan əvvəl işçi qüvvəsi adı altında minlərlə kürdün Ərdəbilə köçürülməsinin ardınca, indi də ölkənin cənub şərq bölgəsindən etnik bəluclar qruplar halında Ərdəbilə gətirilir.

Gunaz.tv

Bu barədə yerli media fəalları məlumat və videolar paylaşıblar.

Etnik bluçların Ərdəbil şəhərinə gətirilməsi barədə açıqlama verilməsə də, onların işçi qüvvəsi adı altında bölgəyə köçürüldükləri ehtimal olunur.

Yerli media fəallarının Ərdəbil şəhərinin fərmandarlığı və əyalət valiliyinə məsələ ilə bağlı müraciətləri cavabsız qalıb.

Bundan əvvəl işçi qüvvəsi adı altında bir neçə mərhələdə ərdəbil əyalətinə qruplar halında kürdlər gətirilib.

Ərdəbil əyaləti işsizlik səviyyəsinə görə ölkə üzrə birinci yerlərdən birini tutduğu üçün işçi qüvvəsinin çatışmazlığı iddiaları məntiqli görünmür.

Bundan əvvəl Ərdəbil əyalətinin İdarəetmə və Planlaşdırma Təşkilatının Statistika və İnformasiya üzrə sədr müavini Fəriborz Dehqani işsizlik səviyyəsi ilə bağlı açıqlama verib.

Onun dediyinə görə, qış mövsümündə ölkə üzrə işsizlik səviyyəsi 9,4 faiz olduğu halda, Ərdəbil əyalətində bu rəqəm 14 faiz təşkil edib və bununlada əyalətdə işsizlik səviyyəsi ölkə üzrə orta səviyyədən 4,6 faiz yüksəkdir.
 
Dehqanın sözlərinə görə, Ərdəbil əyaləti işsizlik səviyyəsinə görə ölkənin 31 əyaləti arasında 5-ci yerdədir.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar