Contact Us

SON XƏBƏRLƏR

Narazılıqların səbəbkarı ABŞ deyil özümüzük - Pezeşkian

2024.08.17, 14:00
Narazılıqların səbəbkarı ABŞ deyil özümüzük - Pezeşkian

İran parlamentinə təqdim etdiyim kabinet milli birlik hökumətidir və bu hökumət xalqın hüquqlarını qoruyacaq.

Gunaz.tv

Bu sözləri İran Prezidenti Məsud Pezeşkian bu gün parlamentdə Nazirlər Kabinetinin tərkibini müdafiə üçün etdiyi çıxışında deyib.

O, ölkənin ağır şərtlər altında olduğunu, vətəndaşların iqtisadi cəhətdən çətinlik çəkdiklərini və dəyişiklik istədiklərini söyləyib.

"İqtisadi, sosial, ətraf mühit, təhsil və mədəniyyət sahələrində ədalətsizlik və uyğunsuzluq hər şeyə təsir edir. Hökumətin vəzifəsi ədalətli davranmaq, xalqı məmnun etməkdir",- Prezident bildirib.

O, bundan əvvəl millət vəkili olduğu vaxtkı bəzi bəyanatlarını yenidən səsləndirib və xalqın narazılığının əsas səbəbkarının ABŞ və başqaları deyil, hakimiyyətin özü olduğunu vurğulayıb.

Hökumətin xalqın gözündə etibardan düşdüyünü etiraf edən Məsud Pezeşkian korrupsiya ilə mübarizəni gücləndirəcəyinə söz verib.

Pezeşkianın parlamentə təqdim etdiyi 19 nəfərdən ibarət Nazirlər Kabinetinin tərkibinin nəzərdən keçiriləcəyi parlamentin açıq iclasları avqustun 21-ə imi davam edəcək.

Qeyd edək ki, yeni Prezidentin təklif etdiyi nazirlər siyahısı birmənalı qarşılanmayıb və Nazirlər Kabinetinin tırkibinə qarşı etirazlar səsləndirilib.

Xüsusən güney azərbaycanllar və İranda yaşayan türklər yeni hökumətdə türk siyasətçi və mütəxəssislərə kifayət qədər yer verilmədiyindən narazıdırlar.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar