İran xaricdəki müxaliflərə qarşı sui-qəsd planlaşdırır

SON XƏBƏRLƏR

İran xaricdəki müxaliflərə qarşı sui-qəsd planlaşdırır

2024.09.13, 13:19

İran hökuməti qərbdə cinayətkar şəbəkələrin xidmətindən istifadə edərək müxalif mühacirlərə qarşı terror əməliyyatları həyata keçirməyi planlaşdırır.

Gunaz.tv

Bu barədə "Vaşington post" məlumat yayıb.

“Vaşinqton Post” bunu təhlükəsizlik xidmətlərinin sənədlərinə və 12-dən çox ölkənin yüksək vəzifəli şəxsləri ilə müsahibələrinə istinad bildirib.

"İslam Respublikası özünün təhlükəsizlik məmurlarından istifadə etmədən cinayətkar qruplardan qatillər cəlb edərək müxtəlif ölkələrdə öz əleyhdarlarına qarşı sui-qəsdlər planlaşdırıb",- deyə nəşr bildirib.

Məlumatda qeyd olunub ki, İranın hədəfləri arasında ABŞ-nin Merilənd ştatında saxta kimliklə yaşayan keçmiş iranlı hərbçi, Bruklində mühacirətdə olan iranlı jurnalist, İsveçrədə qadın hüquqları fəalı, Almaniyada LGBTQ+ hüquq müdafiəçiləri, Britaniyada yaşayan ən azı beş iranlı jurnalist, həmçinin ən azı başqa altı ölkədə yaşayan dissidentlər və hökuməti tənqid edənlər var.

Məlumatın yayılmasından sonra İranın Birləşmiş Millətlər Təşkilatında nümayəndəliyinin başçısı Səid İrəvani məsələyə münasibət bildirib.

O, həmin məlumatların doğru olmadığını, bunun İsrail və İran hökumətinə müxalif təşkilatlar tərəfindən uydurulduunu iddia edib.

Qeyd edək ki, bir müddət əvvəl Vaşinqton İnstitutu son 5 ildə baş verən terror aktlarının 88-nin Tehran rejiminə bağlı olduğunu bildirib.

Məlumatda, xüsusən 2022-ci ildəki ümumi etiraz aksiyalarından sonra Tehran rejiminin xaricdəki müxaliflərə qarşı terror cəhdlərinin dahada artdığı, bunlardan 14-nün cinayətkar şəbəkələrə bağlı qatillər tərəfindən həyata keçirildiyi diqqətə çatdırılıb.

GünazTV

GUNAZ.TV

SON XƏBƏRLƏR