İran müxalif qaçqınları ölümlə hədələyir

SON XƏBƏRLƏR

İran müxalif qaçqınları ölümlə hədələyir - AP rəsmisi

2024.10.25, 15:40

Hər ölkə bir şeyin ixracatı ilə məşğuldur, İran isə terror və repressiya ixrac edir. İranlı qaçqınlar Avropaya çatan kimi İran təhlükəsizlik məmurları tərəfindən təhdid olunurlar.

Gunaz.tv

Bu sözləri Avropa Parlamentinin İranla iş üzrə şöbəsinin müdiri Hana Niyuman deyib.

O, İrana bağlı qüvvələrin qaçqınları ölümlə hədəməliklərindən əlavə, Avropanın bir sıra ictimai yerlərində terror aktları da törətdiklərini söyləyib.

"İran yalnız qaçqınları deyil, onun siyasətlərini tənqid edən xarici ölkələrin vətəndaşlarını, Avropa Parlamentinin üzvlərini, insan haqları fəallarını, yəhudi mərkəzlərini və hətta mənim özümü də hədəf alır",- Niyuman bildirib.

Avropa Parlamentinin üzvü əlavə edib ki, Tehran rejimi İrandan kənarda susdura bilmədiyi hər bir şəxsi məhv etməyə çalışır və bu əsasda cinayətkar təşkilatlarla əməkdaşlıq edir, silah və narkotik qaçaqmalçılığı ilə məşğul olur.

Xanım Nyumanın fikrincə rəsmi Tehran İrandan kənarda terror əməliyyatlarını maliyyələşdirmək üçün narkotik qaçaqmalçılığı ilə məşğul olur.

Avropa Parlamentində İran bölməsinin rəhbəri transmilli repressiya təhlükəsi altında olan insanlara dəstək verməyə çağırıb.

GünazTV

GUNAZ.TV

SON XƏBƏRLƏR