İranda insan haqları pozulur - BMT qətnamə qəbul etdi

SON XƏBƏRLƏR

İranda insan haqları pozulur - BMT qətnamə qəbul etdi

2024.11.21, 09:33

Birləşmiş Millətlər Təşkilatının Baş Assambleyasının Üçüncü Komitəsi 77 lehinə səslə, İranda insan haqlarının geniş şəkildə pozulmasına qarşı qətnaməni təsdiqləyib.

Gunaz.tv

Qətnamədə digər məsələlərlə yanaşı, ölüm hökmünün icrasının artırılmasına qarşı xəbərdarlıq edilib və bildirilib ki, edamların sayını artırması İranın beynəlxalq öhdəliklərinə ziddir.

Noyabrın 20-də təsdiqlənən qətnamədə Birləşmiş Millətlər Təşkilatı İranda ölüm hökmünün tətbiqinin narahat edici səviyyədə artımını kəskin şəkildə pisləyib və yazıb ki, bəzi edamlar məcburi etiraflara əsaslanaraq, ədalətli mühakimə və lazımi proses olmadan həyata keçirilir.

Birləşmiş Millətlər Təşkilatı həmçinin azlıqlara, xüsusən də etnik və dini azlıqlara, o cümlədən bəhai= təriqətinə mənsub şəxslərə ölüm hökmünün tətbiqindən ciddi narahatlığını ifadə edib və qadınların edamının davam etdirilməsini tənqid edib.

BMT-nin qətnaməsində vurğulanıb ki, ötən il İranda qadınların edam edilməsi halları da ən yüksək həddə çatıb.

Birləşmiş Millətlər Təşkilatı həmçinin İranı işgəncə və ya qəddar, qeyri-insani və ləyaqəti alçaldan rəftar və cəzaların, o cümlədən cinsi zorakılığın və amputasiyanın qarşısını almağa çağırıb.

Qətnamədə bildirilib ki, İran həm internetdə, həm də real məkanda qadın və qızların məqsədyönlü və şiddətli şəkildə sıxışdırılması, onlara qarşı insan haqlarının pozulmasına əl atır.

Birləşmiş Millətlər Təşkilatı İranda qadın və qızların fundamental hüquqlarını pozan ayrı-seçkilik qanunları və məcburi hicab siyasətlərindən ciddi narahatlığını ifadə edib.

Qeyd edək ki, xüsusən son həftələrdə İran məhkəmələri çox sayda edam hökmləri çıxarıb və edam cəzasına məhkum edilənlər arasında siyasi məhbuslar, etnik azlıqlar və xarici vətəndaşlarda var.

GünazTV

GUNAZ.TV

SON XƏBƏRLƏR