Contact Us

SON XƏBƏRLƏR

SEPAH Ərdəbildə əməliyyat keçirib

2024.12.30, 12:00
SEPAH Ərdəbildə əməliyyat keçirib

SEPAH-ın Ərdəbil əyaləti qərargahının kəşfiyyat bölməsinin əməkdaşları Ərdəbil şəhərində bir nəfəri həbs ediblər.

Gunaz.tv

Bu barədə İran mediası məlumat yayıb.

Ərdəbilin baş prokuroru Calal Afaqi, saxlanılan şəxsin "münafiq" və "səltənətçi" şəbəkənin bölgədəki başçısı olduğunu iddia edib.

"O, sosial mediada ictimai rəyi çaşdırmaq, təşviş yaratmaq, müxaliflərin xeyrinə fəaliyyət göstərməklə, ölkənin milli təhlükəsizliyinə zərbə vurmağa çalışıb",- baş prokuror deyib.

Saxlanılan şəxsin kimliyi və harada saxlanıldığı barədə açıqlama verilməyib.

Xatırladaq ki, bir neçə gün əvvəl Ərdəbildə kimliyi açıqlanmayan başqa bir şəxs "qonşu ölkələrdən birinə casusluq" ittihamına görə saxlanılıb.

Qeyd edək ki, İran hökumətinin siyasi ədəbiyyatında “münafiq” ifadəsi İranın müxalifət qruplarından olan Xalq Mücahidləri Təşkilatına deyilir.

Qeyd edək ki, baş prokuror Calal Afaqinin həbs edilən ərdəbillinin həm Mücahid Xalq Təşkilatına, həm də "səltənətçi"lərə bağlı olması barədə iddiası şübhə doğurur.

Ona görə ki, adı çəkilən qruplar bir-birinə zidd cərəyanlardırlar və hətta ölkənin gələcək hakimiyyətinin formalaşmasında bir-birləri ilə əməkdaşlığa qəti qarşıdırlar.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar