Contact Us

SON XƏBƏRLƏR

İranda repressiya və edamlar şiddətlənib - Human Rights Watch

2025.01.17, 15:09
İranda repressiya və edamlar şiddətlənib - Human Rights Watch

Ötən il İbrahim Rəisinin həlak olması və Məsud Pezeşkanın Prezident seçilməsindən sonra da, İranda repressiyalar, hüquq pozuntuları və edamlar davam edib, bəzi hallarda isə daha da şddətlənib.

Gunaz.tv

Bu barədə "Human Rights Watch"ın İranla bağlı yaydığı son hesabatında bildirilib.

"İslam Respublikasının hakimiyyəti dinc müxalifətin və siyasi etirazların bütün formalarını yatırmaqda davam edib. Bu repressiyaya qadın hüquq müdafiəçiləri, etnik və dini azlıqlar, 2021-ci il anti-hökumət etirazlarında həbs edilən və ya öldürülən bəzi şəxslərin qohumları daxildir və bütün bunlarla yanaşı, edamlarda da narahatedici artım müşahidə olunub",- hesabatda deyilir.

Beynəlxalq təşkilat İran hökumətinin 2024-cü ildə də söz və fikir azadlığına qarşı sərt mövqeyini dəyişmədiyinə diqqət çəkib.

Hesabatın başqa bir hissəsində ölkədə məcburi hicab qaydalarını pozan qız və qadınlara qarşı təzyiqlərin artdığını bildirən Human Rights Watch, bununla yanaşı İranda qadınların öldürülməsi hallarının da çoxaldığını bildirib.

Hesabatn sonunda İranda yaşayan qaçqınların, xüsusən əfqanistalıların vəziyyətinin acınacaqlı olması qeyd olunub, hökumətin ictimai, iqtisadi və başqa sahələrdə onlara qarşı ayrı-seçkilik siyasəti yürütdüyünü, ölkədən məcburi deportasiya edildiklərini vurğulayıb.

GünazTV 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar