Contact Us

SON XƏBƏRLƏR

İraq İran qazından asılılığını azaldır

2025.01.20, 14:19
İraq İran qazından asılılığını azaldır

İraq hökuməti əsas enerji mənbəyi kimi İran qazından asılılığını azaltmağa çalışır.

Gunaz.tv

İraq hökuməti bu addımı enerji sektorunda müstəqilliyə nail olmaq üçün atır. İraqda elektrik stansiyalarının istismarı İran qazının idxalından asılıdır. İraqın gündəlik enerji ehtiyacının 40 faizini İran qazı qarşılayır.

2024-cü ilin martında İraq İranla qaz idxalını beş il müddətinə gündəlik 50 milyon kubmetrə çatdırmaq üçün müqavilə imzaladı. Bu razılaşma İrana illik təxminən 6 milyard dollar qazandırırdı. Buna baxmayaraq, İraq davamlı elektrik kəsilməsindən əziyyət çəkir və bu, effektiv alternativlərin tapılması ehtiyacını artırır. Öz növbəsində İraqın Neft Nazirliyi qaz hasilatını artırmaq planını açıqlayıb.

İraqın Neft naziri Həyyan Əbdül Qani cümə günü mətbuata açıqlamasında deyib: "Bu gün İraq İrandan qaz idxal edir və dövlətə külli miqdarda vəsait bahasına başa gəlir. Qonşu İranın üzləşdiyi sanksiyalara görə bu qazın bəzən kəsilməsi, bəzən isə idxal miqdarının azala təhlükəsi ilə üz-üzəyik. Bu isə öz növbəsində elektrik enerjisi istehsalına mənfi təsir göstərir."

O, İraqın cənubundakı "TotalEnergies" layihəsinin, eləcə də "Basra Oil Company" və "South Gas Company"-nin qaza sərmayə qoyacağını böyük nailiyyət adlandırıb və əlavə edib: “2025-ci ildə aşağı təzyiqli qaza investisiya qoyuluşu artacaq. Aşağı təzyiqli qaz yanan zaman çirklənməyə səbəb olan ağır qazdır. İnvestisiya qoyuluşu prosesinə bir ildən çox vaxt lazımdır, ona görə də bu layihə mərhələli şəkildə həyata keçiriləcək”.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar