Azərbaycanlı sosial media istifadəçiləri Pezeşkianı tənqid etdi

SON XƏBƏRLƏR

Azərbaycanlı sosial media istifadəçiləri Pezeşkianı tənqid etdi

2025.01.21, 15:13

İran Prezidenti Məsud Pezeşkian yanvarın 22-də geniş nümayəndə heyəti ilə birgə Xuzistan əyalətinə səfər edəcək.

Gunaz.tv

Bu barədə İran mediası məlumat yayıb.

Məlumata görə, səfər zamanı Pezeşkianı onun bir neçə müavini, müşaviri və 10 nazir müşayiət edəcək.

Prezidentin səfəri zamanı ərəblərin kompakt yaşadığı əyalətdə bir neçə layihənin icrasının açılış mərasimi keçiriləcək.

Pezeşkianın Xuzistana səfəri barədə məıumatın yayılması güney azərbaycanlı sosial media istifadəçilərinin narazılığı ilə qarşılaşıb.

Onlar Pezeşkianı Azərbaycan əyalətlərindki problemlərin həlli ilə bağlı seçkiqabağı verdiyi vədlərini unumaqda ittiham ediblər.

Azərbaycanlılar Məsud Pezeşkianın bundan əvvəl Xorasan, Qum və Sistan və Bəlucistan əyalətlərinə səfərlərini xatırladıb, heç bir Azərbaycan əyalətinə səfərinin hətta planlaşdırılmadığından gileyləniblər.

Qeyd edək ki, Məsud Pezeşkian seçki qabağı təbliat və təşviqat kampaniyasında Azərbaycan əyalətləri ilə bağlı bir neçə vəd verib.

O, xüsusən Urmu gölünün bərpası, "Traxtur" Klubunun problemlərinin həlli, Süngün Mis Mədəninin gəlirlərinin Şərqi Azərbaycan əyalətində saxlanılması və başqa bu kimi vədlər verib.

Azərbaycanlılar onun vəzifə səlahiyyətlərini başlamasından keçən müddət ərzində verilən vədlərlə bağlı ciddi addım atılmadığını yazıb, bundan əvvəlki Prezidentlərin də oxşar vədlər verdiyini, ancaq onların reallaşmadığına diqqət çəkiblər.

GünazTV

GUNAZ.TV

SON XƏBƏRLƏR