"Traxtur" Klubu bəyanat yaydı- 90 dəqiqə ərzində irqçi şüarlar və etnik təhqirlər səsləndirib

SON XƏBƏRLƏR

"Traxtur" Klubu bəyanat yaydı- 90 dəqiqə ərzində irqçi şüarlar və etnik təhqirlər səsləndirib

2025.01.28, 11:56

Təbrizin "Traxtur" Futbol Klubu Tehranın Azadi stadionunda "Persepolis" komandası ilə keçirilən oyunda baş verən hadisələrlə bağlı bəyanat yayıb.

Gunaz.tv

Bu barədə Təbriz təmsilçisinin saytında bildirilib.

Bəyanatda komandasının üzvlərinə qarşı təhqiramiz ifadələrin səsləndirilməsinə, oyun zamanı meydana yad əşyaların atılmasına diqqət çəkilib.

Bununla yanaşı "Perspolis" komandasının azarkeşləri tərəfindən irqi zəmində nalayiq şüarların və etnik təhqirlərin səsləndirilməsi qeyd olunub.

"Traxtur" Klubu stadionda yaranmış ab-havanın ev sahibi komandasının rəhbərliyi və azarkeşlər birliyi tərəfindən təşkil edildiyi bildirilib.

""Perspolis" komandasının azarkeşləri 90 dəqiqə ərzində irqi və etnik təhqirlər səsləndiriblər",- Təbrzi klubu bəyanatında vurğulayıb.

Bununla yanaşı, "Persepolis" oyunun təşkilinə, liqa təşkilatçılarına, hakimliyə və qarşılaşmanı fərqli şəkildə işıqlandıran, təhqirlərə qarşı susan İran mediasına da irad bildirilib.

"Bu hadisələrin cüzi bir hissəsi Təbrizdə baş versəydi, aparıcılardan tutmuş bütün məsul şəxslərə və media nümayəndələrinə qədər hər kəs onu böyütmək üçün birləşərdi. Amma "Traxtur"a qarşı olan hərəkətlərə görə indi hamı susur!",- deyə "Traxtur" Klubu narazılığını ifadə edib.

Təbriz təmsilçisi oyunların idarə edilməsindəki ikili standartlara işarə edilib və klub Təbriz və Tehrandakı rəsmilərin davranışlarındakı fərqlərə diqqət çəkərək, bu davranışları ədalətsiz və tərəflilik kimi dəyərləndirib.

"İki komanda arasında Təbrizdə keçirilən ilk oyun ən sakit şəraitdə, tam təhlükəsizlik və rahatlıq içində keçirilib. Hətta "Persepolis" azarkeşlərinin az sayda nümayəndələri "Yadigar-i İmam" (Səhənd) stadionunda heç bir problem olmadan iştirak edib. Futbol ictimaiyyətinə elan edirik ki, bu gərginliyi ilk olaraq hansı komandanın başlatdığını və münaqişənin kökünün harada olduğunu unutmasınlar",- bəyanatda vurğulanıb.

Bununla yanaşı "Traxtur" Klubu özünün sosial media hesabında etdiyi paylaşımda bildirib ki, klub, Tehran komandasının azarkeşlərinin təhqiramiz və nalayiq davranışlarına dair bütün sənədlərin toplanıldığını, bununla bağlı Liqa Təşkilatı və Futbol Federasiyasının İntizam Komitəsinə şikayət ərizəsi verib.

Bununla eyni vaxtda "Perspolis" Klubu da bəyanat yayaraq "Traxtur" Klubunun azarkeşlərinin Tehran təmsilçisinin tərəfdarlarına hücum etdiyini iddia edib və bu idia İran mediasında yayılıb.

Qeyd edək ki, Təbrizin "Traxtur" komandası ilə Tehranın "Perspolis" komandası yanvarın 26-da yerli vaxtla saat 15:00-da Tehranın "Azadi" stadionunda qarşılaşıblar.

Gərgin şərayitdə və tehranlı azarkeşlərin davamlı təhqirləri, meydana, "Traxtur" kolmandasının üzvlərinə yad cismlərin atılması fonunda keçirilən görüş, 2-0 "Perspolis"in xeyrinə başa çatıb.

Bu nəticədən sonra Təbriz təmsilçisi 35 xalla turnir cədvəlinin 2-ci, Tehran təmsilçisi isə 33 xalla 4-cü yerdə qərarlaşıb.

GünazTV

GUNAZ.TV

SON XƏBƏRLƏR