İranda Trampı öldürmək çağırışları edildi

SON XƏBƏRLƏR

İranda Trampı öldürmək çağırışları edildi

2025.01.28, 12:59

İran rejimi general Qasım Süleymaninin qətlindəki roluna görə Donald Trampa qarşı barışmazlıq nümayiş etdirməkdə davam edir.

Gunaz.tv

GünazTV Lent.az-a istinadən xəbər verir ki, İranın ən mühafizəkar qəzetlərindən biri olan “Keyhan”ın baş redaktoru və ali dini lider Əli Xameneinin yaxın silahdaşı Hüseyn Şəriətmədari məqaləsində ABŞ prezidentinə ölüm hökmü verilməsini istəyib.

Şəriətmədari yazıb: “Tramp Qasım Süleymaninin öldürülməsinə göstəriş verib və cəzalandırılmalı olan cinayətkardır”.

Qasım Süleymani 2020-ci il yanvarın 3-də Trampın əmri ilə ABŞ-ın pilotsuz uçan aparatının zərbəsi nəticəsində öldürülüb.

"Yaxın Şərqdəki ən güclü əməliyyatçı" olduğu iddia edilən Süleymani, İranın xarici ərazi və gizli hərbi əməliyyatlarına məsul idi.

Onun öldürülməsindən sonra Tramp deyib ki, Süleymani dünyanın “bir nömrəli terrorçusu”dur və onun məhv edilməsi Amerika diplomatlarına və hərbçilərinə qarşı “qaçılmaz və pis hücumun” qarşısını almaq üçün zəruridir.

İran zərbədən sonra dəfələrlə Süleymaninin ölümünün qisasını alacağına söz versə də hər zaman olduğu kimi bu dəfə də sözünün tuta bilməyib. Qasım Süleymaninin öldürülməsindən 5 il müddət keçməsinə baxmayaq İran ABŞ-a müvafiq cavab verə bilmir.

Ş.E

GUNAZ.TV

SON XƏBƏRLƏR