Contact Us

SON XƏBƏRLƏR

Türkiyə Milli Kəşfiyyat Akademiyası İran kəşfiyyatını təhlil etdi

2025.02.11, 14:12
Türkiyə Milli Kəşfiyyat Akademiyası İran kəşfiyyatını təhlil etdi

Türkiyə Milli Kəşfiyyat Akademiyası son illərdə sui-qəsd və hücumlarla üzləşən İran kəşfiyyatını təhlil edib.

Gunaz.tv

Türkiyə Milli Kəşfiyyat Akademiyası Direktor Köməkçisi Dr. Hakkı Uyğur tərəfindən qələmə alınan “Keçmişdən Bu günə İran Kəşfiyyat Mexanizmi” başlıqlı təhlildə İran kəşfiyyatının sürətlə süquta uğramasının səbəblərini araşdırıb.

Təhlildə vurğulanıb ki, Kəşfiyyat Nazirliyinin kəşfiyyat bölmələri ilə İnqilab Keşikçiləri Korpusu (SEPAH) arasındakı qarşıdurma və daxili siyasətdəki rəqabətin artması İranın düşmən qüvvələrinə, xüsusən də İsrailə yeni imkanlar verib.

İfrat ideoloji-siyasi qərarlarla fəaliyyət göstərən müxtəlif qurumlarda korrupsiya milli təhlükəsizlik sahəsinə çox dağıdıcı zərbələr vurdu.

İran rejiminin Kəşfiyyat Nazirliyi 1990-cı illərdə o qədər siyasiləşib ki, rejim müxaliflərinə qarşı məhkəməsiz edamlar həyata keçirib. Təhlildə 2000-ci illərdə Kəşfiyyat Nazirliyinin zəiflədiyi və onun yerinə Milli Kəşfiyyat Nazirliyinin gəldiyi qeyd olunub.

Milli Kəşfiyyat Nazirliyinin siyasi, hərbi və iqtisadi gücünü kəşfiyyat fəaliyyətlərində əks etdirmədiyi vurğulanmış və bunun da kəşfiyyat boşluqlarına yol açdığı vurğulanmışdır. Xüsusilə Mossad-a aid edilən təxribat, sui-qəsd və hücumlar nəticəsində İranın ciddi itkilər verdiyi qeyd edilib.

Bildirilib ki, İranın nüvə obyektlərinə, yüksək rütbəli hərbçilərə və elm adamlarına edilən hücumlar ölkənin təhlükəsizlik imicini dərindən sarsıdıb, 2024-cü ildə İsraillə artan münaqişələr və Haniyə sui-qəsdi İsrailin İran ərazisindəki əməliyyatlarının pik nöqtəsi olub.

İranın son 10 ildə bu zəiflikləri aradan qaldırmaq üçün Çin və Rusiya ilə texnoloji əməkdaşlıq səylərini dərinləşdirməyə diqqət yetirdiyi, lakin indiyədək gözlənilən nəticələri əldə etmədiyi qeyd edilib.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar