Mədəni fəal prokurorluğa çağırılıb

SON XƏBƏRLƏR

Mədəni fəal prokurorluğa çağırılıb

2025.02.25, 14:39

Gilan əyalətnin Rəşt şəhərində yaşayan mədəni fəal və keçmiş siyasi məhbus Vədud Əsədi Tehranın 33-cu bölgəsinin Baş və İnqilab Prokurorluğunun məhkəmə hökmlərinin icrası idarəsinin 1 saylı şöbəsinə çağırılıb.

Gunaz.tv

Bu barədə özünün sosial media hesabında məlumat yayıb.

Məlumata görə, çağırış məktubu bir neçə gün əvvəl İran Məhkəmə Sisteminin elektron poçtu vasitəsilə göndərilib.

Vədud Əsədi bundan əvvəl Tehranın İnqilab Məhkəməsinin 15-ci bölməsində mühakimə olunaraq, "ölkənin milli təhlükəsizliyinə qarşı zərbə vurmaq üçün əlbirolmaq", "hökumət əleyhinə təbliğat", "müxalif qruplara üzv olmaq" və "rəhbəri təhqir etmək" ittihamlarına görə 5 il 6 ay azadlıqdan məhrum edilib.

Bir müddət sonra onun barəsində irəli sürülən bir neçə ittiham ləğv edilib və "ölkənin milli təhlükəsizliyinə qarşı zərbə vurmaq üçün əlbir olmaq" ittihamına görə 4 illik həbs cəzası qüvvədə saxlanılıb.

İndi onun məhkəmə hökmlərinin icrası idarəsinin 1 saylı şöbəsinə çaöırılmasının 4 illik həbs cəzasının icrası ilə bağlı olduğu ehtimal edilir.

Qeyd edək ki, adı çəkilən fəallar 2024-cü il fevralın 6-da həbs edilərək Tehranın Evin həbsxanasına köçürülüb, martın 9-da isə girov qarşılığında müvəqqəti olaraq məhkəməyə qədər sərbəst uaxılmışdılar.

Vədud Əsədi bundan əvvəl də din mədəni fəaliyyətlərinə görə, bir neçə dəfə saxlanılıblar.

GünazTV

GUNAZ.TV

SON XƏBƏRLƏR