Qeyri-fars dillərinə qarşı olan şəxsi Pezeşkian vəzifəyə təyin edib

SON XƏBƏRLƏR

Qeyri-fars dillərinə qarşı olan şəxsi Pezeşkian vəzifəyə təyin edib

2025.02.27, 13:23

Fars Dili və Ədəbiyyatı Akademiyasının rəhbəri, parlamentin keçmiş sədri və panfarsist mövqei ilə tanınan Qulaməli Həddad Adil Tədqiqat və Təhsilin Planlaşdırılması Təşkilatı Şurasının 7 üzvündən biridir.

Gunaz.tv

O, 13 yanvar 2025-ci ildə İran Prezidenti Məsud Pezeşkian tərəfindən quruma daxil edilib.

Fevralın 26-da ran parlamentində səsə qoyulan qeyri-fars dillərin məhdud şəkildə tədrisi barədə qanun layihəsinin qəbul edilməməsindən sonra, Məsud Pezeşkianın şovinist baxışları ilə tanınan Həddad Adili bu vəzifəyə təyin etməsi barədə müzakirələr yenidən gündəmə gəlib.

Qeyri-fars xalqların bəzi nümayəndələri və millət vəkilləri İran prezidentini verdiyi vədlərlə bağlı qeyr-səmimilikdə günahlandırıblar.

Xatırladaq ki, Hədad Adil bir neçə gün əvvəl İranda qeyri-fars dillərlə bağlı verdiyi müsahibədə türk dili barədə qəribə fikirlər səsləndirib

"Türkcə danışmaq cinayət deyil ancaq yaxşıolar ki məclis və mərasimlərdə də farsca danışılsın",- o, deyib.

Fars dilini İranda milli birlik və milli kimlik simvolu və amili adlandıran Adil, qeyri-fars dillərdə daışmağın qadağan edilmədiyini söyləyib.

Təhsilin fars dilində olmasının vacib olduğunu vurğulayan keçmiş parlament sədri, qeyri-fars dillərin evlərdə danışılmasına kimsənin mane olmadığını bildirib.

"Məktəblərdə təhsil fars dilindədir və olmalıdır, uşaqlar onsuzda məktəbdən əvvəl evlərdə öz dillərini öyrəirlər",- dil əlavə edib.

Mədəni İnqilabın Ali Şurasının da üzvü olan Hədad Adilin parlamentdə qeyri-fars dillərin tədrisi ilə bağlı qanun layihəsinin qəbul edilməməsində xüsusi əməyi olduğu bildirilir.

Qeyd edək ki, bundan əvvəl İran rəhbəri Əli Xamənei də, qeyri-fars dillərin evlərdə məişət səviyyəsində istifadə olunmasının tərəfdarı olduğunu söyləyib.

GünazTV

GUNAZ.TV

SON XƏBƏRLƏR