Terror qruplaşmaları Öcalanın çağırışına reaksiya verdi

SON XƏBƏRLƏR

Terror qruplaşmaları Öcalanın çağırışına reaksiya verdi

2025.02.28, 11:56

PKK terror təşkilatının Suriya qolu kimi tanınan PYD-nin lideri Salih Müslim və YPG qruplaşmasının nümayəndəsi Siyamend Eli Türkiyədə həbsdə olan lideri Abdullah Öcalanın çağırışına cavab verdi.

Gunaz.tv

GünazTV Musavat.com-a istinadən xəbər verir ki, bu barədə Türkiyə KİV-ləri məlumat paylaşıb.

Məlumata qeyd edilir ki, PYD lideri Öcalanın müraciətini dəstəkləyib.

"Biz silahı yerə qoymağa hazırıq. Əgər siyasi qrup kimi fəaliyyət göstərməyimizə icazə verilərsə, bu çağırışı qəbul edirik", - deyə Salih Müslim qeyd edib.

YPG qruplaşmasının mətbuat xidmətinin nümayəndəsi kimi tanınan Siyamend Eli bu çağırışın bölgədə sülhün bərqərar olmasına töhfə verəcəyini bildirib.

Onun sözlərinə görə, Öcalanın mesajı münaqişənin dayandırılmasına yönəlib və bu, xüsusilə Türkiyə və region xalqları üçün mühüm əhəmiyyət kəsb edir.

Digər tərəfdən, PKK-nın Suriya qolu sayılan Suriya Demokratik Qüvvələrinin (SDQ) rəhbəri Ferhat Abdi Şahin də prosesə konstruktiv yanaşdıqlarını vurğulayıb.

Qeyd edək ki, Abdullah Öcalan silahlı dəstələrə təslim olmağa çağırış edib. Analitiklərin fikrincə Öcalanın PKK-nı silahı yerə qoymaq çağırışı Türkiyənin terrora qarşı mübarizədə tarixi nəticələrindən biri hesab oluna bilər. Bu çağırış terrorçular arasında parçalanmalar ilə nəticələnə bilər. Terror təşkilatlarının tam şəkildə silahı yerə qoyması sual altında olsa da, siyasi müstəvidə ciddi nəticələr əldə ediləcək.

Ş.E

GUNAZ.TV

SON XƏBƏRLƏR