Contact Us

SON XƏBƏRLƏR

Bu ayrı-seçkilikdir - Müəllimlər İran parlamentinin qərarına qaşı çıxdı

2025.02.28, 12:53
Bu ayrı-seçkilikdir - Müəllimlər İran parlamentinin qərarına qaşı çıxdı

Müxtəlif xalqların nümayəndələri olan müəllimlər İran parlamentinin qeyri-fars dillərin məhdud tədrisini nəzərdə tutan qanun layihəsini təsdiq etməməsinə etiraz ediblər.

Gunaz.tv

Bu barədə İran Təhsil İşçiləri Həmkarlar İttifaqı Təşkilatlarının Koordinasiya Şurasının bəyanatında yazılıb.

Bəyanat müəllifləri İran parlamentinin bu hərəkətini ölkədə başqa dillərə olan ögey münasibətin nümunəsi adlandırıb, bunu sistemli şəkildə tətbiq edilən dil-ayrı seçkiliyi kimi dəyərləndiriblər.

“Birləşmiş Millətlər Təşkilatının İnsan Hüquqları Konvensiyasına əsasən, ana dilində təhsil milliyyətindən və dilindən asılı olmayaraq bütün insanların əsas və təbii hüquqlarından biridir. İran hökuməti isə 40 ildən çoxdur buna əhəmiyyət vermir və mədəniyyətlərə, dillərə qarşı repressiyalarını davam etdirir”,- bəyanatda deyilir.

Qeyd edək ki, fevralın 26-da İran parlamentinin açıq iclasında qeyri-fars dillərin həftədə 2 saat tədrisini nəzərdə tutan qanun layihəsi səsverməyə çıxarılıb.

Səsvermədə iştirak edən 246 millət vəkilinin 104-ü qanun layihəsinin lehinə, 130-u əleyhinə səs verib, 5 millət vəkili tərəfsiz olub, 7 nəfər isə səsvermədə iştirak etməyib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar