Rus generallar milyonlarla vəsait talayıb

SON XƏBƏRLƏR

Rus generallar milyonlarla vəsait talayıb

2025.03.04, 16:24

Rusiya Silahlı Qüvvələrinin “Patriot” Sərgi Mərkəzinin iki keçmiş əməkdaşı dövlət müqavilələrini yerinə yetirərkən külli miqdarda rüşvət almaqda təqsirli bilinib.

Gunaz.tv

GünazTV AzPolitika-ya istinadən xəbər verir ki, İstintaq Komitəsinin paylaşdığı məlumata görə, keçmiş baş mühasib Andrey Puçkova və satınalma şöbəsinin keçmiş rəhbəri İvan Trifonoqloya 9 il həbs və 27 milyon rubl cərimə cəzası kəsilib.

İttiham tərəfinin məlumatına görə, Rusiya Müdafiə Nazirliyi “Patriot” mərkəzinin bina və tikililərinin saxlanması üçün podratçı İ.P.Kuvaeva ilə 10 milyon dollardan çox dövlət müqaviləsi bağlayıb. İstintaq iddia edir ki, Puçkov və Trifonoqlo “ümumi himayə” üçün podratçıdan 27 milyon rubldan çox pul alıblar. 2024-cü ilin oktyabrında “Patriot”un əməkdaşlarının saxlanıldığı məlum olub.

Həmin il avqustun sonunda məhkəmə 2021-2024-cü illərdə “Patriot”-un inkişafına cavabdeh olan müdafiə nazirinin keçmiş müavini general Pavel Popovu həbs edib. Müstəntiqlərin fikrincə, general parkın keçmiş direktoru Vyaçeslav Əhmədov və Müdafiə Nazirliyinin innovativ inkişaf üzrə baş idarəsinin rəis müavini Vladimir Şesterovla birlikdə qurumun hesabına varlanıb.

“Patriot” parkında axtarışlar Rusiyanın müdafiə naziri Sergey Şoyqunun istefasından az sonra başlayıb. 2024-cü ilin iyul ayının sonunda, başlanmış istintaqın dövlət satınalmalarında 40 milyon rubldan çox pulun oğurlanması ilə bağlı olduğu bildirildi.

Ş.E

GUNAZ.TV

SON XƏBƏRLƏR