Qırğızıstan rus polisinin vəhşiliyinə etiraz edir

SON XƏBƏRLƏR

Qırğızıstan rus polisinin vəhşiliyinə etiraz edir – Etiraz notası verildi

2025.04.14, 14:11

Qırğızıstan Xarici İşlər Nazirliyi Rusiya səfiri Sergey Vakunova qırğız miqrantların kütləvi şəkildə saxlanılması və onalara qarşı güc tətbiqi ilə bağlı nota təqdim edib.

Gunaz.tv

GünazTV “AzPolitika”-ya istinadla xəbər verir ki, ölkə mediasının məlumatına görə, bazar ertəsi Qırğızıstan xarici işlər nazirinin müavini Almaz İmanqaziyev və Sergey Vakunov arasında aprelin 11-də Moskvanın Bodrost hamam kompleksində qırğızıstanlıların kütləvi saxlanması ilə bağlı görüş keçirilib.

“Rusiya tərəfinə hüquq-mühafizə orqanları tərəfindən həyata keçirilən əməliyyatın, o cümlədən vətəndaşlara qarşı güc tətbiqinin əsasları barədə məlumatların təqdim edilməsi və güc tətbiqi əsassızdırsa, bu insidentlə bağlı Moskva hüquq-mühafizə orqanlarının nümayəndələrinə qarşı müvafiq tədbirlərin görülməsi xahişi ilə rəsmi nota verilib”, - XİN-dən bildirilib.

Qırğızıstan mediası əməliyyatdan sonra 24 Qırğızıstan vətəndaşının saxlanıldığını, onlardan 4-nün Rusiyadan deportasiya ediləcəyini bildirib.

Bundan əvvəl Qırğızıstan parlamentinin üzvü Janar Akayev ölkənin Xarici İşlər Nazirliyinin məlum insidentlə bağlı zəif reaksiyasından qəzəbləndiyini bildirib. "Deyirlər ki, saxlanılanları yarım kiloqram acı bibər yeməyə məcbur ediblər. Səbəbini soruşanda dedilər ki, düşmənçilik zəminindədir. Amma biz deyirik ki, biz müttəfiqik, strateji tərəfdaşıq. Lakin onlar bizim vətəndaşlarımızı aşağılayırlar… İdman salonlarının birində qırğızıstanlıları döyüblər, qabırğalarını, çənələrini sındırıblar. İndi bəyanat yazmağa qorxurlar. Nədən qorxursunuz? Biz müstəqil dövlətik və onlara cavab verməliyik".

Ş.E

GUNAZ.TV

SON XƏBƏRLƏR