Contact Us

SON XƏBƏRLƏR

Bolton: Putin “Rus İmperiyası”nı bərpa etmək istəyir

2025.04.22, 15:19
Bolton: Putin “Rus İmperiyası”nı bərpa etmək istəyir

ABŞ Prezidenti Donald Tramp Ukraynadakı müharibəni mənasız hesab edir, buna görə də onun Rusiya ilə yaxşı münasibətlər qurmamaq üçün heç bir səbəbi yoxdur.

Gunaz.tv

GünazTV Teleqraf-a istinadən xəbər verir ki, bunu Donald Trampın 2018-2019-cu illərdə milli təhlükəsizlik üzrə müşaviri olmuş Con Bolton deyib.

Siyasətçi qeyd edib ki, Tramp bunun “Baydenin müharibəsi” olduğuna inanır, Rusiya və Prezident Vladimir Putinlə yaxşı münasibətlərin bərpa olunması üçün hər şeyin tez bir zamanda bitməsini istəyir.

“Tramp dünyaya şəxsi münasibətlər prizmasından baxır. Yəni Putinlə yaxşı şəxsi münasibətləri varsa, o hesab edir ki, ABŞ və Rusiya arasında münasibətlər yaxşıdır. Əgər hansısa liderlə pisdirsə, deməli, ABŞ və həmin ölkə arasında da pisdir.

Trampın heç bir fəlsəfəsi yoxdur, heç bir məna kəsb etməyən siyasət yürüdür. Buna görə də, aralarındakı əlaqəni görmədən bir anlaşmadan digərinə keçə bilir”.

Boltonun fikrincə, Tramp Ukrayna və regionun tarixi haqqında çox az şey bilir, ona görə də qarşıda duran çətinlikləri görmür.

Sabiq müşavirin iddiasına görə, Putin müharibədə fasiləyə razılaşa bilər:

“Amma bu, o demək deyil ki, Putin 2005-ci ildən bəri ifadə etdiyi və mahiyyətcə rus imperiyasının bərpasına qədər uzanan məqsədlərindən əl çəkib. Deməli, indi fasilə olsa belə, bu, problemin həll olunduğu anlamına gəlmir. Çünki Putinin fikrincə o, hələ “düzgün cavab”ı tapmayıb”.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar