Contact Us

SON XƏBƏRLƏR

Ərdəbil əyalətində ölüm hallarının 3 əsas səbəbi açıqlandı

2025.04.26, 13:29
Ərdəbil əyalətində ölüm hallarının 3 əsas səbəbi açıqlandı

Ərdəbil əyalətində ürək-damar xəstəlikləri, bədxassəli xərçəng növləri xəstəlikləri və həmçinin qəza və hadisələr ən mühüm üç ölüm səbəbidir.

Gunaz.tv

Bunu Ərdəbil Tibb Elmləri Universitetinin Sağlamlıq İşləri üzrə direktor müavini Səid Sadiqiyye Əhəri deyib.

O, əyalətdə ölümlərin 80%-nin vətəndaşların yuxarıda qeyd olunan bu üç növ xəstəliyə tutulması səbəbindən baş verdiyini bildirib.

O, bütün növ ürək-damar xəstəliklərinin ölümlərin 48-50 faiziniə səbəb olduğunu söyləyib.

"Bütün növ xərçəng və bədxassəli xəstəliklər isə ölümlərin 18%-i, qəza və hadisələr isə ölüm faktlarının 9%-i təşkil verir",- o əlavə edib.

Bir müddət əvvəl Ərdəbil Tibb Elmləri Universitetinin yaydığı məlumatda əyalətdə mədə, döş, prostat və yemək borusu xərçənginin kəskin yayıldığı barədə xəbərdarlıq edilmişdi.

Qeyd edək ki, bundan əvvəl İran Səhiyyə Nazirliyinin açıqladığı statistikaya görə, şimal-qərb bölgəsi, xüsusən Ərdəbil əyaləti xərçəngə, xüsusilə mədə xərçənginə yoluxanların sayına görə ilk yerlərdən birini tutur.

Ərdəbil əyalətində xərçəng xəstəliyinin yayılmasında Ermənistanın Metsamor Atom Elektrik Stansiyası (AES) və bu ölkənin başqa sənaye təsisatlarının zəhərli tullantılarının Araz çayına axıdılması da əhəmiyyətli rol oynayır.

Ötən il “The Geopolitics” saytı bölgədəki ekoloj problemlə bağlı yaydığı hesabatda Ermənistan tərəfinin Araz çayını çirkləndirməsi ilə bağlı faktları açıqlayıb.

"Ölkənin elektrik enerjisinin 40%-ni təmin edən stansiya çayın radioaktiv maddələrlə çirklənməsinin əsas səbəbkarı sayılır."- sayt yazıb.

Bununla yanaşı Mərənd şəhərinin İran parlamentindəki nümayəndəsi Məhəmməd Həsənnəjad da Araz çayında baş verən ekoloji problem səbəbindən çayın cənub sahilində kənd tədərrüfatının ziyan gördüyünü və xərçəng xəstəliyinin geniş yayıldığını bildirib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar