Contact Us

SON XƏBƏRLƏR

Pezeşkian Barzani ilə kürdcə, azərbaycanlı ilə farsca danışdı - Reaksiya

2025.04.28, 12:29
Pezeşkian Barzani ilə kürdcə, azərbaycanlı ilə farsca danışdı - Reaksiya

İran Prezidenti Məsud Pezeşkianın AzTV-ə müsahibəsinin yayılması Güney Azərbaycan sosial media platformalarında fərqli reaksiyalarla qarşılaşıb.

Gunaz.tv

Əsas müzakirə olunan məsələ isə Pezeşkianın "bu tay, o tay bir-birimizlə qohumuq" sözü olub.

"Kim dilbir olan qohumu ilə özgə dilində danışar?!",- İran Prezidentinin jurnalistin Azərbaycan dilində suallarına farsca cavab verməsi tənqid olunub.

Bəziləri bunu İranın rəsmi dövlət dilinin farsca olması ilə əlaqələndirilmələri isə daha sərt reaksiyalara səbəb olub.

Azərbaycanlı sosial media istifadəçiləri Pezeşkianın İraqa səfəri zamanı və İraqın Kürdüstan muxtariyyətinin baş naziri Nəçirvan Barzaninin Tehrana səfəri çərçivəsində Prezidentin o və kürd jurnalistlərlə kürdcə danışmasını xatırladıblar:

"Onda da İranın rəsmi dövlət dili farsca idi, buna baxmayaraq Pezeşkian onlarla kürd dilində danışmağa cəsarət etsə də, Azərbaycan Respublikasının televizyasına müsahibəsində bu cəsarəti göstərə bilmədi".

Azərbaycanlı sosial media istifadçiləri Məsud Pezeşkianın ara-sıra Şəhriyardan şeir oxumasını onun azərbaycanlıların Şəhriyara sevgisindən siyasi məqsədlər üçün su-istifadəsi kimi dəyərləndiriblər.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar