Contact Us

SON XƏBƏRLƏR

Hərbi xərclər son 36 ilin ən yüksək səviyyəsindədir

2025.05.01, 15:59
Hərbi xərclər son 36 ilin ən yüksək səviyyəsindədir

Dünya miqyasında hərbi xərclərin 2024-cü ilə qədər 9,4 faiz artaraq 2,7 trilyon dollara çatdı. Bu, 1988-ci ildən bəri ən yüksək artım tempidir.

Gunaz.tv

Stokholm Beynəlxalq Sülh Araşdırmaları İnstitutunun (SIPRI) açıqladığı hesabata görə, 2024-cü ildə qlobal hərbi xərclər 2023-cü illə müqayisədə 9,4 faiz artaraq 2,7 trilyon dollara çatıb.

Bu, Berlin Divarının yıxılmasından bir il əvvəl, 1988-ci ildən bəri ən yüksək artımdır. "Bir çox ölkələr hərbi xərcləri artırmağı öhdəsinə götürüb və bu, növbəti illərdə qlobal miqyasda daha da artımlara səbəb olacaq", - hesabatda deyilir.

Bildirilib ki, Amerika 2024-cü ildə təqribən 1 trilyon dollar xərcləyərək dünyada ən yüksək hərbi xərclərə malik ölkə olaraq qalmaqda davam edir. Amerika büdcəsinin ən böyük maddələri F-35 gizli döyüş təyyarələri və döyüş sistemləri (61,1 milyard dollar), Amerika Hərbi Dəniz Qüvvələri üçün yeni gəmilər (48,1 milyard dollar), Amerikanın nüvə və raketdən müdafiə sistemlərinin modernləşdirilməsi (37 milyard dollar) olub. Bildirilib ki, Amerika Ukraynaya 48,4 milyard dollar yardım ayırıb ki, bu da Kiyevin 64,8 milyard dollarlıq müdafiə büdcəsinin təxminən dörddə üç hissəsinə bərabərdir. Amerikanın 2024-cü ildə İsrailə 10,6 milyard dollarlıq əlavə hərbi yardım etdiyi də vurğulanıb.

Qeyd olunub ki, Çin 314 milyard dollarlıq hərbi xərclərə görə Amerikanı izləyir ki, bu da Amerikanın ümumi xərclərinin üçdə birinə yaxındır. "Çin də 2024-cü ilə qədər nüvə arsenalını sürətlə genişləndirməyə davam etdi", - hesabatda deyilir. Bildirilib ki, Amerika və Çin birlikdə 2024-cü ildə dünya hərbi xərclərinin təxminən yarısını ödəyəcək.

Dünyanın 4-cü ən böyük müdafiə büdcəsinə sahib olan Almaniya 2024-cü ildə xərclərini 28 faiz artırdı. Rumıniya 43%, Hollandiya 35%, İsveç 34%, Çexiya 32%, Polşa 31%, Danimarka 20%, Norveç 17%, Finlandiya 16%, Türkiyə 12% və Yunanıstan 11% artım göstərərək ən çox müdafiə xərclərinə malik 40 ölkə arasında yer aldı.

SIPRI-nin Hərbi Xərclər və Silah İstehsalı Proqramının tədqiqatçısı Jade Ricard açıqlamasında bildirdi ki, Avropada NATO üzvləri arasında xərclərin sürətli artımı əsasən davam edən Rusiya təhlükəsi və Amerikanın NATO-dan çıxması ilə bağlı narahatlıqlardan qaynaqlanır.

 

 

Şahin Elxanoğlu

Açar Sözlər :

SEÇİLMİŞ XƏBƏRLƏR

Çox oxunanlar