Contact Us

SON XƏBƏRLƏR

7 İran vətəndaşı Böyük Britaniyada sinaqoqa hücum etməyi planlaşdırıb

2025.05.06, 13:16
7 İran vətəndaşı Böyük Britaniyada sinaqoqa hücum etməyi planlaşdırıb

Xəbər verdiyimiz kimi, mayın 4-də, Britaniya polisi 7 İran vətəndaşını terror ittihamı ilə həbs etmişdi.

Gunaz.tv

Britaniya mediası bildirir ki, həftə sonu Böyük Britaniyada yeddisi İran vətəndaşı olmaqla ümumilikdə səkkiz nəfər sinaqoqa hücumun həyata keçirilməsinə cəmi bir neçə saat qalmış həbs edilib.

“The Telegraph” yazır ki, terrorçuların hədəfi sinaqoq və ya yəhudi icması ilə əlaqəli başqa bir hədəf ola bilərdi. "Daily Mail" isə daha böyük hücumun planlaşdırıldığını bildirir.

Britaniyanın terrorla mübarizə polisi qeyd edilən 8 terrorçunu iki müxtəlif əməliyyatla həbs edib.

Şənbə günü dördü İran vətəndaşı olan 29-46 yaş arası beş kişi konkret binaları hədəfə alaraq terror aktları törətməkdə şübhəli bilinərək saxlanılıb. Lakin polis hansı binaların hədəfə alındığını açıqlamayıb. Həbslər Svindon, Qərbi London, Stokport, Rochdale və Mançesterdə həyata keçirilib. Onlardan 4-ü Terror Aktı, beşincisi isə Polis və Cinayət Sübutları Aktı çərçivəsində saxlanılıb. Terrorla Mübarizə Komandanlığı bildirib ki, "bu gün (5 may, bazar ertəsi) həmin dörd nəfər üçün əlavə həbs qərarı verilib, yəni onlar mayın 10-u şənbə gününə qədər saxlanıla və sorğu-sual oluna bilərlər".

London Metropolitan Polis təşkilatının ayrı bir bəyanatında deyilir ki, eyni gündə həyata keçirilən ayrı bir əməliyyatda, antiterror təhqiqatı çərçivəsində Londonda üç İran vətəndaşı həbs edilib.

Mütəxəssislər "Daily Mail"-ə deyirlər ki, SAS-ın (Xüsusi Hərbi Hava Xidməti) elit əsgərləri, həbs reydlərinə qatılıblar.

Terrorla Mübarizə Komandanlığının rəhbəri Dominik Merfi əməliyyatları şərh edərkən bildirib: "Zabitlərimiz və əməkdaşlarımız əhəmiyyətli və olduqca mürəkkəb bir araşdırmanı davam etdirirlər və hələ də ölkə daxilində bir çox ünvanda axtarışlar davam edir".

İranın Londondakı səfirliyi həbslərlə bağlı şərh sorğusuna cavab verməyib.

 

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar