Contact Us

SON XƏBƏRLƏR

Təbrizli sənətçinin anım gecəsi keçirildi

2025.05.06, 14:39
Təbrizli sənətçinin anım gecəsi keçirildi

Mayın 5-də Bakıda Rəşdi Behbudov Adına Mahnı Teatrında təbrizli müsiqiçi, qarmon ifaçısı Əli Haqşünasın anım gecəsi keçirilib.

Gunaz.tv

Mərasim onun otaylı və bu taylı dostları və sənət yoldaşlarının təşəbbüsü ilə baş tutub.

3 saatdan çox çəkən anım gecəsində Azərbaycan Respublikası və Güney Azərbaycandan olan müsiqiçilər, sənət adamları, yazıçılar və Əli Haqşünasın sənət dostları çıxış edib, mahnılar səsləndiriblər.

Tədbirə Əli Haqşünasın Amerika, Kanada, Kolumbiya, Almaniya, İsveçrə və Təbrizdən olan 30-a yaxın dostu, həmçinin Amerikada yaşayan həyat yoldaşı və ailə üzvləri də iştirak edib.

Qeyd edək ki, Əli Əhməd oğlu Haqşünas 1961-ci il aprelin 30-da Təbriz şəhərində anadan olub. 2000-ci ildən Amerikanın Texas Ştatının Hyuston şəhərində yaşayıb. Özü kondisioner mütəxəssisi olsa da, klassik musiqimızin, bəstəkar və xalq mahnılarımızın vurğunu, məşhur qarmon ifaçısı olub. 

Əli Haqşünas 1989-1995-ci illərdə Təbrizdə Həbib Fərşbafın məktəbində qarmon dərsi deyərək, bu ecazkar musiqi alətinin, zəngin xalq musiqimizin sirrlərini gənclərə öyrədib. Eyni zamanda, 200 səhifəlik “Qarmon məktəbi” adlı kitab yazaraq, tərtib etdiyi bu əsərdən özü dərs dediyi məktəbdə istifadə edib.

O, uzun sürən xəstəlikdən sonra 2024-cü il fevralın 2-də dünyasını dəyişib.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar