Contact Us

SON XƏBƏRLƏR

Rəhim Xan Çələbiyanlının Kəleybərdəki tarixi evi dağıdılıb

2025.05.26, 11:22
Rəhim Xan Çələbiyanlının Kəleybərdəki tarixi evi dağıdılıb

Azərbaycanda tarixi abidələrin və tikililərin dağıdılmasının davam edir, bu dəfə Rəhim Xan Çələbiyanlının Kəleybərdəki tarixi evi dağıdılıb.

Gunaz.tv

Bəzi mütəxəsislər binanın yaşını 9-cu yüzilliyə qədər aparsalar da, fərqli fikirlərə görə, abidə Səfəvilər və ya Elxanilər dövründə ərsəyə gəlib.

Bu tarixi ev Kəleybər bölgəsinin müasir siyasi və ictimai münasibətlərində mühüm rol oynayıb və tarixin bəzi dönəmlərində hərbi qüvvələrin komanda mərkəzi olub.

"Cultural Heritage Watch"ın bildirdiyinə görə, bu tarixi ev Kəleybər Şəhər Şurasının beşinci dövr üzvlərinin səylərindən sonra muzey olmağa namizəd idi, lakin bələdiyyənin onu satın ala bilməməsi səbəbindən bu plan baş tutmayıb.

Məsələ ilə bağlı mədəni fəal Xosrov Sərtipi video müraciət hazırlayaraq abidənin dağıdılmasını tənqid edib:

“Bəzən belə fikirlər yaranır ki, tarixi inkişaf bəhanəsi ilə silmək olar, ancaq tarix inkişafa maneə kimi yox, örnək kimi görülməlidir." - deyə o bildirib.

Qeyd edək ki, Sərdar Nüsrət ləqəbli Rəhim Xan Çələbiyanlı Qaradağ bölgəsinin çağdaş tarixinin görkəmli simalarından biri və Kəleybərdəki Çələbiyanlı elinin elxanı idi. O, Müzəffərəddin şah Qacarın dövründə “Nüsrət əs-Sultan” titulu ilə Soyuqbulağın hakimliyinə təyin edilmiş və Mirpənci rütbəsinə çatdıqdan sonra Azərbaycanın ən nüfuzlu şəxslərindən birinə çevrilmişdir.

 

C

Açar Sözlər :

SEÇİLMİŞ XƏBƏRLƏR

Çox oxunanlar