İranda türk adlarına görə kampaniya başladılıb

SON XƏBƏRLƏR

İranda türk adlarına görə kampaniya başladılıb

2025.05.28, 10:19

İranda azərbaycanlı, türk adları qoyulan uşaqlara Vətəndaşlığın Qeydiyyatı İdarəsinin sənəd verməməsi ilə bağlı kampaniya başladılıb, Prezident Məsud Pezeşkiana, daxili işlər naziri və parlament sədrinə açıq məktub yazılıb.

Gunaz.tv

Bu barədə kampaniya təşkilatçıları məlumat yayıb.

"Uşaqlara türkcə adların verilməsi ilə kampaniya başladılıb, dəqiq və davamlı şəkildə türkcə uşaq adlarına rəsmi maneələrin törədilməsi sənədləşdirilir və bu vasitə ilə etirazçı valideynlərin səsini əks etdirməyə çalışılır",- məlumatda bildirilib.

Kampaniyanın yeni başlamasına baxmayaraq, 2500 imza toplanıb və bunun yaxın günlərdə 10 minlərə çatacağı gözlənilir.

Təşkilatçıların sözlərinə görə, valideynlərin övladlarına ad seçmək hüququnun təmin edilməsi ilə bağlı İranın “Vətəndaşlıq Qeydiyyatı Haqqında” qanununun 20-ci maddəsinə dəyişiklik edilməsi tələb edilir.

Prezident Məsud Pezeşkiana, daxili işlər naziri İskəndər Mömüniyə və parlament sədri Məhəmmədbaqir Qalibafa ünvanlanan açıq məktubda azərbaycanlı ailələrin övladlarına öz kimliklərinə uyğun ad seçmək hüququndan məhrum edilmələri ayrı-seçkilik və vətəndaşlıq hüququnun pozulması kimi dəyərləndirilib:

"Təsəvvür edin ki, övladınız dünyaya gəlib, ancaq seçdiyiniz ad icazə verilən adlar siyahısında qeydə alınmadığına görə aylarla, hətta illərlə ona doğum haqqında şəhadətnamə ala bilmirsiniz. Onu sığortalaya, klinikaya apara, ona bank hesabı aça, hətta məktəbə yazdıra bilmirsiniz.

Məktub müəllifləri buna nümunə kimi fars dilində 68 min "Baran" adının qeydə alınmasına baxmayaraq, onun türkcə sinonimi olan "Yağış" adına sənəd verilməməsini göstəriblər.

Onlar İran hökumətindən prpblemlə bağlı addım atmağı, məsələnin parlamentdə müzakirəyə çıxarılmasını istəyiblər.

GünazTV

GUNAZ.TV

SON XƏBƏRLƏR