Contact Us

SON XƏBƏRLƏR

İranda əhalinin qocalması sürətlənib

2025.07.04, 13:19
İranda əhalinin qocalması sürətlənib

İranda əhalinin qocalma sürəti çox yüksəkdir və bu tendensiya davam edərsə, ölkə 2050-ci ildə həddindən artıq qocalmış ölkələr sırasında olacaq.

Gunaz.tv

Bunu Rifah Təşkilatının rəhbəri Seyyid Cavad Hüseyni deyib.

"2016-cı ildə ölkə əhalisinin yalnız 9.1%-i qocalar təşkil edirdi, araşdırmalar göstərir ki, bu 2050-ci ilə kimi 31%-ə yüksələcək",- o bildirib.

Bir müddət əvvəl isə İranın daxili işlər naziri İskəndər Mömüni də məsələ ilə bağlı xəbərdarlıq edib:

"Hazırda ölkədə əhali artımının azalması narahatedici səviyyədədir və bu tendensiya davam edərsə, gələcək 80 ildə ölkə əhalisinin sayı 40 milyon nəfərdən aşağı düşəcək, bu isə böyük fəlakət deməkdir".

Bunun qarşısının alınması üçün Əli Xameneinin göstərişi ilə 2022-ci ildən başlayaraq  çoxuşaqlılığın təbliği ilə bağlı xüsusi kampaniya başladılıb və bütün cümə imamları, məsul şəxslər bu yöndə fəaliyyətə cəlb olunublar.

Bununla yanaşı azyaşlıların evləndirilməsi ilə bağlı müxtəlif kampaniyalar başladılıb və erkən yaşda evlənənlərə xüsusi imtiyazlar, kreditlər verməklə yeniyetmələri evlənməyə həvəsləndirirlər.

İnsan haqları təşkilatlarının məlumatına görə, bu tədbirlər azyaşlıların, xüsusən azyaşlı qız uşaqlarının evləndirilməsi hallarının artmasına səbəb olub.

GünazTV

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar