Pezeşkian Zəngəzurla bağlı dolayı mesaj verdi- Narahat olmamalıyıq

SON XƏBƏRLƏR

Pezeşkian Zəngəzurla bağlı dolayı mesaj verdi- Narahat olmamalıyıq

2025.07.30, 16:03

Qonşularla, region dövlətləri ilə münasibətlərin və əməkdaşlığın genişlənməsinə hərtərəfli prizmadan baxsaq, ölkənin şimal-qərbində sərhəd məsələsi kimi daha xırda məsələlərdən narahat olmağa dəyməz.

Gunaz.tv

Bunu İran Prezidenti Məsud Pezeşkian Xarici İşlər Nazirliyinin əməkdaşları ilə keçirdiyi görüçdə deyib.

"Biz qonşularla münasibətlərimizi sərhəd maneələrinin aradan qaldırılması və iqtisadiyyatlarımızı geniş şəkildə birləşdirmək və əlaqələndirmək kontekstində görməliyik; həssaslığı azaltmalı və konstruktiv qarşılıqlı əlaqələri genişləndirmək barədə düşünməliyik",- o əlavə edib.

İranın bəzi media orqanları Prezidentin bu bəyanatının ölkənin şimal-qərb sərhədlərində “Zəngzur” dəhlizi ilə bağlı qaldırılan müzakirələrə cavab olduğu barədə

Qeyd edək ki, iki gün əvvəl İran parlamentinin Milli Təhlükəsizlik və Xarici Siyasət Komissiyasının üzvləri Prezident Məsud Pezeşkianla birgə keçirdikləri iclasda İranın xarici siyasət prioritetlərini, o cümlədən Azərbaycanla münasibətlərin indiki vəziyyətini müzakirə ediblər.

Görüşdə bəzi qonşu ölkələrlə, xüsusilə də Azərbaycanla münasibətlərin yenidən nəzərdən keçirilməsi zərurəti vurğulanıb. Bəzi millət vəkilləri Zəngəzur dəhlizini də nəzərdə tutaraq qeyd ediblər ki, İranın xarici siyasətindəki “qırmızı xətlərinə” riayət edilməli və bu çərçivədə Azərbaycanla münasibətlər düzgün formada tənzimlənməlidir.

Bununla eyni vaxtda İran rəhbəri Əli Xaməneinin beynəlxalq məsələlər üzrə müşaviri Əli Əkbər Vilayəti də "Zəngəzur dəhlizinin İranın qırmızı xətti" olduğu barədə bəyanatlatı təkrar edib.

GünazTV

GUNAZ.TV

SON XƏBƏRLƏR