İran hökumət mühacir iranlılarla bağlı qanun layihəsi qəbul etdi

SON XƏBƏRLƏR

İran hökumət mühacir iranlılarla bağlı qanun layihəsi qəbul etdi

2025.07.31, 12:53

İran hökuməti “Xaricdəki iranlılara dəstək” adlı qanun layihəsini qəbul edib.

Gunaz.tv

Bu haqda İran mediası məlumat yayıb.

Qanun layihəsinə görə, hökumət altı ay ərzində xaricdə yaşayan bütün iranlıların hərtərəfli məlumat bazasını hazırlamalı və hər il parlamentin Milli Təhlükəsizlik Komissiyasına onların statusu haqqında hesabat təqdim etməlidir.

Xatırladaq ki, ötən həftə İran Prezidenti Məsud Pezeşkian, hökumət üzvləri ilə görüşündə xaricdə yaşayan iranlıların ölkəyə qayıtması üçün şərayit yaradılmasını istəyib.

Bir müddət əvvəl yayılan xəbərlərə görə isə, İran Xarici İşlər və Kəşfiyyat və Təhlükəsizlik Nazirliyində (Ettelaat) xaricdə yaşayan iranlı müxaliflərlə bağlı olan bölmələr yenidən fəallaşdırılıb.

İki nazirliyin tabeliyində olan bölmələr müxtəlif ölkələrdə yaşayan müxaliflərə İran pasportlarının və ölkəyə get-gəllərinin bərpası istiqamətində yardım etmək üçün müvafiq ölkələrdəki səfirlik və konsulluqlara göstərişlər verilib.

Bununla yanaşı xaricdə hökumətə bağlı şirkət və iş adamlarının da iranlılarla əlqələrin qurlması, onların cəlb edilməsi üçün tapışırıqlar verildiyi iddia olunub.

Xüsusən qonşu ölkələrdə, o cümlədən Azərbaycan Respublikasında yaşayan bəzi iranlı mühacirlərlə əlaqə saxlanıldığı, onların İrana get-gəllərinin bərpası üçün təkliflər verildiyi də bildirilir.

Qeyd edək ki, Birləşmiş Millətlər Təşkilatının İqtisadi və Sosial Departamentinin 2020-ci ilə olan son yenilənmiş hesabatında iranlı miqrantların sayının təxminən 1 milyon 325 min nəfər olduğunu təxmin edib.

Qeyri-rəsmi məlumatlarda isə xaricdə yaşayan iranlıların sayının 3 milyondan çox oldyğu bildirilir.

GünazTV

GUNAZ.TV

SON XƏBƏRLƏR