İranda qeyri-fars dillərinə qadağa davam edir

SON XƏBƏRLƏR

İranda qeyri-fars dillərinə qadağa davam edir - Kampaniya

2025.09.24, 13:19

23 sentyabr İranda yeni tədris ilinin başlaması münasibətilə Təbriz, Urmiya, Ərdəbil və başqa bir neçə şəhərdə "İranda 100 illik aparteid" adlı kampaniya keçirilib.

Gunaz.tv

Bu haqda yerli mənbələr paylaşım ediblər.

kampaniya təşəbbüsçüləri İranda qeyri-fars dillərinin tədrisinə qadağanın davam etdiyinə diqqət çəkib, həmin gün "23 sentyabr" azərbaycanlı sosial media kanalları və fəallarından bütün paylaşımlarının Azərbaycan dilində edilməsini istəyiblər.

Onlar yeni tədris ilində də fars dilinin hegomonluğunun davam etməsindən narahatlıqlarını bildirib, qeyri-fars dillərinin tədrisi ilə bağlı verilən vədlərin yalan çıxmasına diqqət çəkiblər.

"Bu günə kimi prezident və parlament seçkləri ərəfəsində mədəni hüquqlarla bağlı qeyri-fars xalqlara verilən vədlərin heç biri özünü doğrultmayıb, təcrübəyə əsasən bunun qarşıdakı illərdə də reallaşacağı inandırıcı deyil",- kampaniya təşəbbüsçülərinin paylaşımında bildirilib.

Onlar mədəni hüquqlarla bağlı vədlərin reallaşacağının əsaslandırılması üçün İran konstitusiyasının da dəyişdirilməsinin vacibliyini vurğulayıblar:

"İndiki konstitusiyada qeyri-fars dilləri ilə bağlı olan 15-ci maddə konkret və şəffaf deyil. Burada qeyri-farsların dillərinin tədrisi deyil, onun məhdud şəkildə öyrənilməsi nəzərdə tutulub və bu xüsusən ölkə cəmiyyətinin əhəmiyyətli hissəsini təşkil verən azərbaycanlılar, türklər üçün təhqirdir!".

Qeyd edək ki, İran Prezidenti Məsud Pezeşkian seçki qabağı təbliğat kampaniyası və çıxışlarında ölkədə qeyri-fars dillərinin tədrisi barədə vədlər versə də, bu günə kimi bu istiqamətdə heç bir addım atılmayıb.

Bununla yanaşı fars dili və ədəbiyyatının inkişafı məqsədilə yeni büdcə ilində "Fars Dili Akademiyası"nın büdcəsi dahada artırılıb.

GünazTV

GUNAZ.TV

SON XƏBƏRLƏR