İranda casusluğa görə cəza qanuna çevrildi - Hüquqşünaslar xəbərdarlıq etdi

SON XƏBƏRLƏR

İranda casusluğa görə cəza qanuna çevrildi - Hüquqşünaslar xəbərdarlıq etdi

2025.10.02, 11:00

İran Keşikçilər Şurasının təsdiqi ilə “Casusluq və Sionist rejim və düşmən dövlətlərlə əməkdaşlığa görə cəzaların gücləndirilməsi” kimi tanınan qanun layihəsi qanuna çevrildi.

Gunaz.tv

Bu haqda Keşikçilər Şurasının sözçüsü Hadi Təhan Nəzif bildirib.

“Casusluğa görə cəzanın gücləndirilməsi” kimi tanınan qanun layihəsi bu ilin iyulunda parlament tərəfindən qəbul edilib. Onun müddəalarına görə, kəşfiyyat və təhlükəsizlik sahəsində əməkdaşlıqdan əlavə, media, təbliğat və kiber fəaliyyətlər də düşmən hökumətlər və ya qruplarla əlaqəsi olduqda "düşmənə xidmət" sayılacaq və səbəbkarlar cinayət məsuliyyətinə cəlb olunacaq.

Yeni qanuna görə, qeyd olunan əməllər “yer üzündə fəsad yaymaq” sayılır və ölüm hökmü ilə nəticələnə bilər. Digər fəaliyyətlər isə uzun müddətlı həbs və dövlət qulluğundan həmişəlik kənarlaşdırılma ilə cəzalandırıla bilər.

Bununla bağlı məlumatın yayılmasından sonra, insan haqları fəalları, bir neçə universitet müəllimi, vəkil və hüquqşünaslar qanunun müxalifləri, medianı və siyasi-ictimai fəalları hədəf alacağı barədə xəbərdarlıq ediblər.

Onların fikrincə, ağır vəziyyətdə olan hökumət, süqutunun qarşısını almaq və ya gecikdirmək üçün, ağır cəza tədbirləri ilə medianı tam nəzarətə götürməyə, müxalifləri susdurmağa çalışır.

GünazTV

GUNAZ.TV

SON XƏBƏRLƏR