Contact Us

SON XƏBƏRLƏR

Bizə buğda pulumuzu ver!; Muğan fermerləri iqtisadi ədalətsizliyə qarşı fəryad edirlər

2025.10.20, 12:12
Bizə buğda pulumuzu ver!; Muğan fermerləri iqtisadi ədalətsizliyə qarşı fəryad edirlər

Muğanda fermerlər buğda pullarını ala bilmədiklərinə görə etiraz ediblər.

Gunaz.tv

Yerli məlumatlara görə, Ərdəbil vilayətində, xüsusən Muğan (Parsabad) və Biləsavar şəhərlərində fermerlərin əhəmiyyətli bir hissəsi dövlət ticarət şirkətinə təhvil verdikləri buğdanın qiymətinin tam məbləğini hələ də ala bilməyib.

Kənd Təsərrüfatı Cihadı Nazirliyinin rəsmiləri tələbləri tədricən ödəyəcəklərini vəd etsələr də, bir çox fermerlər deyirlər ki, bu kiçik ödənişlər nə istehsal xərclərini ödəyir, nə də onların dolanışıq problemlərini həll edir.

Fermerlər toxum, gübrə, yanacağın qiymətinin artdığını əsas gətirərək, buğdanın pulunun gecikdirilməsinin onları yeni əkin mövsümü ərəfəsində ciddi böhranla qarşı-qarşıya qoyduğunu bildirirlər.

"Hökumət məhsulumuzu alıb, pulunu ödəməyəndə biz torpağı növbəti əkin üçün necə hazırlaya bilərik? Bank bizdən hissə-hissə pul istəyir, amma hökumət öz məsuliyyətindən yayınır." - deyə etirazçılardan biri deyib.

Bəzi həmkarlar ittifaqı fəalları da xəbərdarlıq ediblər ki, vəziyyət belə davam edərsə, bəzi fermerlər buğdanı dövlət mərkəzlərinə çatdırmaqdan imtina edərək məhsullarını açıq bazarda sata bilərlər.

Sahə mənbələrindən verilən məlumata görə, likvidliyin olmaması, kreditlərin ayrılması zamanı idarəetmənin düzgün aparılmaması, Taxıl Təşkilatı və Dövlət Ticarət Şirkətinin qərarlarının gecikdirilməsi bu böhranın əsas amillərindəndir.

 

C

Açar Sözlər :

SEÇİLMİŞ XƏBƏRLƏR

Çox oxunanlar