Beynəlxalq Əfv Təşkilatı İrandakı edamlarla bağlı bəyanat yaydı

SON XƏBƏRLƏR

Beynəlxalq Əfv Təşkilatı İrandakı edamlarla bağlı bəyanat yaydı - 1300 edam

2025.10.25, 11:49

Beynəlxalq Əfv Təşkilatı İranda edam sayının kəskin artması ilə bağlı byanat yayıb və beynəlxalq ictimaiyyəti bu dəhşətin qarşısını almaq üçün təcili tədbirlər görməyə çağırıb.

Gunaz.tv

Byanat oktyabrın 24-də təşkilatın media orqanında dərc olunub.

Beynəlxalq Əfv Təşkilatı 2025-ci ildə İranda 1300-dən çox insanın edam edildiyini bildirib. Təşkilat bu il 1300-dən çox insanın edam edilməsini son onilliklərdə qeydə alınan ən yüksək rəqəm adlandırıb.

İnsan haqları təşkilatı xəbərdarlıq edib ki, İran hakimiyyəti ölüm hökmündən silah kimi istifadə etməyə davam etdikcə minlərlə insan təhlükə altındadır.

Təşkilat vurğulayıb ki, İranda edamlar barədə hökmlər etirazları susdurmaq məqsədi ilə ədalətsiz məhkəmələrdə verilir.

Qeyd edək ki, İranda edam sayının artması BMT-nin Baş kaibi Antonio Quterreşin də reaksiyasına səbəb olub.

O, BMT-nin oktyabrın 21-də Baş Assambleyaya təqdim etdiyi son hesabatda İranda insan haqları ilə bağlı vəziyyətin acınacaqlı olduuna diqqət çəkib.

Baş katib, edamların artması, məhbuslara işgəncə verilməsi, azlıqlara qarşı repressiyalar və vətəndaş azadlıqlarına artan məhdudiyyətlər barədə xəbərdarlıq edib.

GünazTV

GUNAZ.TV

SON XƏBƏRLƏR