Contact Us

SON XƏBƏRLƏR

Kreml Amerikanın Ukrayna nizamlanması konsepsiyasının təfərrüatlarını açıqlamaqdan imtina edib

2025.10.27, 15:31
Kreml Amerikanın Ukrayna nizamlanması konsepsiyasının təfərrüatlarını açıqlamaqdan imtina edib

Kremlin rəsmi nümayəndəsi Dmitri Peskov Amerikanın Ankoric sammitində təklif etdiyi Ukrayna nizamlanması konsepsiyasının təfərrüatlarını açıqlamayıb.

Gunaz.tv

Rusiya prezidentinin mətbuat katibi Dmitri Peskov həmçinin bu konsepsiyanın təhlükəsizlik zəmanətləri və İstanbul razılaşmaları ilə bağlı Rusiyanın ideyaları ilə necə uyğunlaşdığı barədə şərh verməkdən də imtina edib.

"Xeyr, bunu açıqlaya bilmərəm", - deyə Peskov bu gün keçirdiyi brifinqdə bildirib.

Qeyd edək ki, Rusiya xarici işlər naziri Sergey Lavrov Macarıstanın "Ultrahang" YouTube kanalına verdiyi müsahibədə bildirib ki, Alyaskada Amerika Prezidenti Donald Trampla danışıqlar zamanı Rusiya Prezidenti Vladimir Putin Vaşinqtonun təklif etdiyi konsepsiya əsasında Ukraynada nizamlanmaya nail olmağa hazır olduğunu təsdiqləyib. Rusiya diplomatiyasının rəhbəri qeyd edib ki, Putin Amerika Prezidentinin xüsusi elçisi Stiven Vitkov tərəfindən təqdim edilən konsepsiyanın hər bir elementini ətraflı şəkildə təkrarlayıb və bu məqamların hər biri Amerika tərəfi tərəfindən təsdiqlənib. Bundan sonra, Lavrovun sözlərinə görə, Rusiya prezidenti Moskvanın Amerikanın konsepsiyasını qəbul etməyə və "təklif olunan əsasda praktik olaraq irəliləməyə" hazır olduğunu bildirib.
Rusiya XİN başçısı Amerikanın Moskvanın təklifinə birbaşa cavab vermədiyini də söyləyib.

Açar Sözlər :

SEÇİLMİŞ XƏBƏRLƏR

Çox oxunanlar