Avstraliya parlamenti hökumətə SEPAH-ı terrorçu kimi tanımağa icazə verdi

SON XƏBƏRLƏR

Avstraliya parlamenti hökumətə SEPAH-ı terrorçu kimi tanımağa icazə verdi

2025.11.06, 12:13

Bu gün noyabrın 6-da Avstraliya parlamenti, hökumətə xarici dövlət qurumlarını və ya onların üzvlərini terrorizmə dəstək verdikləri təqdirdə terrorçu qrup kimi təyin etməyə icazə verən qanun layihəsini qəbul edib.

Gunaz.tv

Bu haqda Avstraliya Parlamentinin Birgə Kəşfiyyat və Təhlükəsizlik Komitəsinin sədri, senator Rafe Çikkoni məlumat yayıb.

Onun sözlərinə görə, qanun, SEPAH-ın Avstraliyada törədilən terror hücumlarında rolunun aşkar edilməsindən sonra hazırlanıb.

Qanun layihəsi "Cinayət Qanununa Dəyişiklik: Terrorizmin Dövlət Sponsorları 2025" adı ilə Senatda səs çoxluğu ilə qəbul edilib. Avstraliya Kəşfiyyat və Təhlükəsizlik Agentliyi (ASIO) SEPAH-ın Avstraliyada ən azı iki terror hücumunda iştirakını dəyərləndirib.

Qanuna əsasən, Avstraliya Federal Polisi xarici dövlət qurumlarının və ya onların üzvlərinin Avstraliyaya qarşı terror aktları törətməkdə və ya dəstəkləməkdə iştirakını müəyyən edərsə, onları terrorun sponsorları siyahısına əlavə edə bilər.

Qeyd edək ki, bundan əvvəl isə Avstraliyanın Baş Prokuroru Mişel Roland, İran İslam İnqilabı Keşikçilərinin (SEPAH) terror təşkilatı kimi tanınmasını tələb edən qanun layihəsini parlamentə təqdim etmişdi.

Bu addım Avstraliya Təhlükəsizlik Kəşfiyyat Xidmətinin SEPAH-ın Avstraliya ərazisində ən azı iki antisemit hücumunda iştirak etdiyinə dair dəlillərə cavab olaraq atılıb.

Qanun layihəsinin müddəaları hökumətə xarici dövlət qurumlarını terror təşkilatları kimi tanımağa icazə verir, bu isə əvvəllər qanuni olaraq mümkün deyildi.

GünazTV

GUNAZ.TV

SON XƏBƏRLƏR