Oturaq aksiyaya başlayacağam- Abbas Lisani

SON XƏBƏRLƏR

Oturaq aksiyaya başlayacağam- Abbas Lisani

2025.11.10, 14:59

Evin həbsxanasında saxlanılan milli fəalların ailələrinin tələblərinə cavab verilmədiyi və məhbusların aclıq aksiyasını dayandırmadığı təqdirdə, mən də Evin həbsxanası qarşısında məhbus ailələrinin oturaq aksiyasına qoşulacağam.

Gunaz.tv

Bu barədə milli fəal və keçmiş siyasi məhbus Abbas Lisani xəbərdarlıq bəyanatı yayıb:

Bəyanatda bildirilir:

"Bildiyiniz kimi, bir sıra Azərbaycan fəalları təzyiq və ayrı-seçkilik səbəbindən bir neçə gündür aclıq aksiyası keçirirlər. Ancaq məhkəmə və həbsxana rəhbərliyi hələ də onların qanuni tələblərini yerinə yetirməyib. Buna görə də, onların ailələri toplaşaraq onları dəstəkləmək üçün Evin həbsxanasının qarşısında oturaq aksiya keçiriblər.

Bundan hər kəs xəbərdardır, Azərbaycan milli hərəkatı son illərdə zülmə qarşı mübarizə ruhunu sübut edib və məzlumların fikir və mövqelərindən asılı olmayaraq, zülm qarşısında səssiz qalmayıb. Bu gün öyrəndik ki, fars faşizmi qüvvələri Taher Nəqvi və Vədud Əsədi də daxil olmaqla, məhbusların ailələrini təhqir ediblər.

Buna görə də, hakimiyyət və vəzifəli şəxslərin məhbusların ailələrinə qarşı təhqiramiz davranışlarına görə, fars faşizminin zülmünə qarşı mümkün qədər tez onların yanında olmağı milli və insani vəzifəm hesab edirəm. Bildirirəm ki, məhbusların və onların ailələrinin tələbləri yerinə yetirilməsə və aclıq aksiyası sabah axşama qədər dayandırılmasa, sabah Evin həbsxanasının qarşısında oturaq aksiya keçirən ailələrə qoşulacağam".

Xatırladaq ki, Tahir Nəqəvi və Vədud Əsədi 14 gün bundan əvvəldən barələrində çıxarılan ədalətsiz hökmə və tibbi xidmətdən məhrum edilmələrinə etiraz olaraq aclıq aksiyası keçirirlər.

Onların ailələri isə məhbuslara dəstək və onların vəziyyətlərinə diqqət cəlb etmək üçün bir neçə gündür Evin həbsxanasının qarşısında oturaq aksiya keçirirlər.

Qeyd edək ki, adı çəkilən məhbuslar 2024-cü ilin fevral ayında həbs olunublar.

Onlara "milli təhlükəsizliyə qarşı əlbir olmaq", "hökumətə qarşı təbliğat". "rəhbəri təhqir etmək" və "casusluq" ittihamlarına görə uzun illik həbs cəzaları verilib.

GünazTV

GUNAZ.TV

SON XƏBƏRLƏR