Contact Us

SON XƏBƏRLƏR

AB rəsmisi İranla bağlı xəbərdarlıq etdi

2025.11.18, 12:36
AB rəsmisi İranla bağlı xəbərdarlıq etdi

Avropa Birliyinin yüksək səviyyəli təhlükəsizlik rəsmisi İranın nüvə və raket inkişafı ilə bağlı xəbərdarlıq edib.

Gunaz.tv

Bu haqda Londonda fəaliyyət göstərən OILPRICE saytı məlumat yayıb.

"Avropa Birliyinin yüksək vəzifəli təhlükəsizlik rəsmisi İslam Respublikasının Nətənz yaxınlığındakı “Kuh Tişe”də nüvə fəaliyyətlərinin sürətləndiyini bildirib və Qərb kəşfiyyat orqanlarının İslam Respublikasının santrifüqləri yenidən qurmaq, yeni elan edilməmiş zənginləşdirmə yeri yaratmaq və raketlər hazırlamaq səylərindən narahat olduğunu bildirib",- məlumatda bildirilib.

Nəşr qeyd edib ki, Avropa Birliyi, İranın müdafiə büdcəsini 200 faiz artırması, uzun mənzilli raketlərin inkişafını sürətləndirməsi və genişmiqyaslı və yeni nüvə fəaliyyətlərinin mərkəzi kimi görünən Koh Tişeh ərazisində fəaliyyətləri artırması ilə bölgədəki gərginliyin daha da artacağını gözləyir.

“İnqilab Keşikçiləri İslam Respublikasının liderinə iyun ayında zədələnmiş nüvə proqramının əsas hissələrinin bərpasını sürətləndirmək üçün getdikcə daha çox təzyiq göstərir. Bununla yanaşı İranın Nüvə Silahlarının Yayılmaması Müqaviləsindən (NPT) rəsmi olaraq çıxması üçün də oxşar təzyiq göstərilir”,- OILPRICE İranın neft nazirliyi ilə sıx əməkdaşlıq edən yüksək vəzifəli enerji mənbəyinə istinadən yazıb.

Mənbə OILPRICE nəşrə bildirib ki, İran prezidenti Məsud Pezeşkian Tehranın Nüvə Silahlarının Yayılmaması Müqaviləsindən (NPT) çıxmayacağını vurğulasa da, bu o qədər də əhəmiyyət daşımır və vacib olan İran liderinin fikri və qərarıdır. 

GünazTV

Açar Sözlər :

SEÇİLMİŞ XƏBƏRLƏR

Çox oxunanlar