Contact Us

SON XƏBƏRLƏR

Dil Siyasətlərində Ayrı-seçkilik; Məktəblərdə Semnan ləhcəsinin tədrisi və Türk Dilindən Məhrumiyyət

2025.11.20, 12:36
Dil Siyasətlərində Ayrı-seçkilik; Məktəblərdə Semnan ləhcəsinin tədrisi və Türk Dilindən Məhrumiyyət

İranda ana dilində təhsil məsələsi illərdir ciddi sosial və mədəni bir problemə çevrilib. Bəzi dillər və ləhcələr təhsil sistemində mövcud olmaq imkanı tapsa da, Güney Azərbaycanın milyonlarla türk vətəndaşı hələ də bu hüquqdan məhrumdur.

Gunaz.tv

Bu vəziyyət təhsil ədaləti və ölkədə yaşayan xalqların mədəni hüquqları ilə bağlı ciddi suallar doğurur.

Bu yaxınlarda Semnan qubernatoru Mehdi Samimian verdiyi müsahibədə əyalət administrasiyasının əsas məsələlərindən birinin Semnanın kimliyinin dirçəldilməsi olduğunu açıqlayıb.

O, Semnan əhalisinin təxminən 35-40 faizinin yerli olduğunu və Semnan dilinin unudulmaq təhlükəsi ilə üzləşdiyini qeyd edərək, ibtidai məktəbin birinci-altıncı sinifləri üçün Semnan dili haqqında kitab və müstəqil dərs tərtib olunduğunu elan edib. Bu hökumətin Semnan əyalətində fars ləhcələrindən birini qorumağa olan marağının göstəricisidir.

Buna baxmayaraq, Güney Azərbaycanda milyonlarla türk illərdir ki, sivil və dinc üsullarla məktəblərdə ana dillərinin tədrisini tələb edir. Bu tələb cavabsız qalmamaqla yanaşı, bu sahədəki fəallar həbs, sürgün və sosial məhrumiyyət kimi təzyiqlərlə üzləşirlər. Bu hal İran rejiminin ölkədəki türklərə qarşı ayrıseçkiliyini bir daha sübut edir.

 

C

 

Açar Sözlər :

SEÇİLMİŞ XƏBƏRLƏR

Çox oxunanlar